شوقي غريب: «عملت سندوتشات كفتة لعمار حمدي في مباراة البرازيل»

كشف شوقي غريب المدير الفني لمنتخب مصر الأولمبي، عن موقف طريف جمعه باللاعب عمار حمدي، لاعب الأولمبي ونادي الاتحاد السكندري، خلال مباراة البرازيل، التي أقيمت الثلاثاء الماضي، باستاد القاهرة الدولي، في دورة ودية.

وقال شوقي غريب، في تصريحات إذاعية، إن يوم ودية البرازيل حدد موعد الغداء للمنتخب في تمام الرابعة عصرًا، لا سيما وأن المباراة كانت ستقام في التاسعة مساءً، موضحًا أنه عندما أخبر اللاعبين اعترض عمار حمدي قائلًا: «ماقدرش أقعد 5 ساعات من غير أكل».

وأضاف شوقي غريب: «قولت له خلاص يا عمار ممكن أنت تاكل الساعة 6 هجيب لك سندوتشات ولما نوصل الملعب هتلاقي هناك فاكهة على الساعة 7:30 ابقى كمل أكل قال لي ماشي، وعملت له سندوتشات كفتة وأخدتها معايا علشان ياكلها».

واستكمل مدرب المنتخب الأولمبي حديثه: «مش بعترض في موضوع الأكل بالنسبة لعمار حمدي، لأن جسمه ضئيل وغير قابل للزيادة، أنا اعتراضي فقط على قصة الأكل بالليل، وسألت دكتور تغذية عن حالة اللاعب قال لي لازم يعمل تحاليل وقال لي بلاش تمنعه من الأكل لأن الأمر ممكن يكون نفسى وممكن يتأثر فى الملعب لو منعته».

واختتم شوقي غريب، حديثه: «بقيت أتعامل مع عمار حمدي زي اللاعب اللي محتاج تدريبات إضافية هو لاعب محتاج أكل زيادة، وهو للأمانة طيب وصريح واللي في قلبه على لسانه، ومابحبش أزعله خاصة إنه بيتحرك كويس في الملعب وبيحرق الأكل».

شوقي غريب: المنتخب الأول له الأولوية في اختيار اللاعبين.. ونمتلك عرضًا لمواجهة اليابان

شوقي غريب : أتمني عودة النشاط الكروي.. ولدينا مباريات دولية في أكتوبر ونوفمبر.. فيديو