شيرين تكشف مفاجأة عن حالة عادل إمام الصحية: بلاش كل شوية تموتونا

حرصت الفنانة شيرين، أن تطمئن الجمهور على حالة الزعيم عادل إمام الصحية، لافتة إلى أنها تتواصل معه باستمرار.

وقالت شيرين في تصريحات تلفزيونية لها، إنها مستاءة من الشائعات، التي تظهر حول الزعيم عادل إمام بين الحين والآخر.

شيرين وحالة عادل إمام الصحية

وتابعت: «بكلم عادل إمام وبسأل عليه، والحمدالله هو كويس وبيرد عليا دايمًا.. يا رب الناس تبطل تجيب سيرة الناس بحاجات وحشة ويحترموا نفسهم شوية».

وأضافت الفنانة شيرين: «بلاش كل شوية تموتونا، لو متضايقين من وجودنا جمعونا كلنا في ميدان وموتونا واخلصوا، لكن حرام عليكم تتعبوا أعصابنا.. تحية كبيرة من قلبي وروحي وعقلي للأستاذ عادل إمام وأسرته، ومدام هالة زوجته اللي وقفت دايمًا جنبه، ربنا يديك الصحة ويسعدك بأولادك كمان وكمان، وأنا بحبكم كلكم لأن بابا هرم كبير وعظيم ربنا يخليه لمصر».

شيرين

تصريحات الفنانة شيرين

وتحدثت أيضًا عن مشاجرتها مع أحد المخرجين، قائلة: «كان عندي عدد كبير من المشاهد من المفترض أصورها، وكان الفنان سعد أردش عنده مشهد واحد معايا عايز يصوره في الأول نظرًا لانشغاله في المحاضرات بمعهد الفنون المسرحية».

واستكملت الفنانة قائلة: «ولكن مساعد المخرج وقتها اعترض بحجة أن اليوم مزدحم.. هنا تدخل المخرج وبدأ يرتفع صوته وقام بسبي بوالدي المتوفي وقررت وقتها أن أخد موقف وخلعت الجزمة وجريت وراء المخرج في الشارع وحاول الإنتاج أن يوقفني وقررت ألا اتعامل معه وكان شرطي أنه إذا كان هناك أي ملاحظات عليه أن يوجهها للمساعد».

فيما يخص ذكرياتها مع الزعيم عدل إمام بأعمالهما الفنية، قالت: «عادل إمام اختارني في فيلم الإرهابي، وبعد الفيلم عمل حفلة تحت بيته لكل المشاركين في الفيلم، وإحنا ماشيين قال لي مع السلامة يا عديلة، ده اسمك في الفيلم الجديد.. كلمني بعد أسبوعين وقال مش هتقدري ترفضي، الفيلم مشهد أنا ومشهد إنت ومشهد إحنا الاثنين مع بعض».

ابنة شيرين

كما كشفت الفنانة شيرين، كواليس اعتزال ابنتها ميريت، قائلة: «أنا حبيتها جدًا في فيلم حلم عزيز، وحبيتها أكثر وأكثر في فيلم هاتولي راجل.. لكن هي لقت إن التمثيل مش المجال اللي ممكن تستمر فيه، ولما تناقشنا قالت مش عايزة أبقى زيك وزعلتني، وقالت للأسف الوسط الفني لما البني آدم يكبر بيعاملوه زي خيل الحكومة».

واختتمت قائلة: «قالتلي أنا عايزة أعيش حياتي وإنت مش عايشة حياتك خالص، ولما تنزلي مش بتعرفي تشتري حاجة والناس عايزة تتصور معاكي».

عادل إمام

عادل إمام