صبا مبارك: وفاة أمي أقسى ما مريت به وماعشتش مع والدي

كشفت الفنانة صبا مبارك أصعب مشهد لها في مسلسل بين السطور، الذي تحقق به نجاحًا كبيرًا الفترة الحالية.

قالت صبا مبارك في تصريحات تلفزيونية لها: «أصعب مشهد هو لحظة معرفتي خبر وفاة والدتي بالعمل، والذي قدمت دورها سلوى محمد علي، لأنّي تذكرت لحظة وفاة والدتي في الحقيقة، وكان مشهد مؤلم جدًا لي».

وفاة والدة صبا مبارك

وتابعت: «في الحقيقة في المشهد ده كنت صبا شوية مش هند لأن وفاة أمي كسرت حتة كبيرة وهي أقسى الأحداث التي مرت عليّ في حياتي وحسيت ده في المشهد أوي لدرجة أن فيه جملة قلتها في المشهد مكنتش موجودة في الاسكربت وهي جملة (ماستنتنيش ليه قررتي لوحدك تمشي؟)».

واستكملت صبا مبارك حديثها عن أصعب المشاهد في مسلسل بين السطور: «كانت اللحظة دي شخصية جدًا لما ماتت أمي كانت صغيره جدًا وحسيت أنها مش عايزة تكمل فاكرة لما توفت زعلت أكتر منها قبل ما حزن وكنت بقولها إنتي خلاص مشيتي؟ وده كان أول يوم تصوير دخلت على المشهد ده».

صبا مبارك

أسرار صبا مبارك

وأضافت: «تربيت مع أمي وأنا بنت أمي وعلشان كدة في شبه بيني وبين هند في الحتة دي أنا فعلا ماعشتش مع أبويا لكن مكنش شبه أبو هند بهذه القسوة وعدم وجود الأب في حياة البنت مؤثر علشان كده بقول للناس قرار الأبوة والأمومة مش سهل لأن عدم وجود الأب في حياة بنته شيء صعب جدًا».

واختتمت صبا مبارك حديثها عن تأثير عدم وجود الأب عليها: «أثر كتير خلاني أقوى لكن مش دائمًا أمر مستحسن أوقات بنحس أننا محتاجين نتسند على حد في وقت اتعودت فيه ماتسندش على حد».

صبا مبارك مسلسل بين السطور