صديقة المذيعة شيماء جمال تكشف تفاصيل 6 سنوات بين المتهم وزوجته ولحظات ما قبل الجريمة

على الرغم من مرور 72 ساعة على اكتشاف واقعة قتل المذيعة شيماء جمال، إلا أن هناك تفاصيل مفاجئة حول الحقيقة الكاملة للجريمة، فمن بين تلك الوقائع كشفتها علياء، الصديقة المقربة للمذيعة شيماء جمال، وما هي أسباب ودوافع قتلها على يد زوجها الذي يعمل في إحدى الجهات القضائية.

وأكدت 'علياء'أن شيماء جمال تزوجت من المتهم عام 2016 وكان زواجهما عرفيًا في العام الأول من الزواج؛ وتم تحرير عقد الزواج بشكل رسمي يوم 28 ديسمبر 2016؛ على يد مأذون شرعي وشهود في المنزل.

مشكلة شيماء جمال

وأوضحت صديقة المذيعة شيماء جمال، خلال لقائها مع الإعلامية نهال طايل ببرنامج «تفاصيل» المذاع عبر قناة «صدى البلد 2»، أن مشكلة المذيعة شيماء جمال مع زوجها القاتل هو عدم رغبته في إشهار زواجهما الذي كان يعلمه الجميع، وفقًا لحديثها، مضيفة: «ابنتها جنى كانت بتندهة بـ بابا أيمن».

وتابعت صديقة المذيعة شيماء جمال، أن الراحلة كانت متزوجة من المستشار أيمن حجاج زواجًا رسميًا من 2017، مضيفة: «شيماء ما اتضربتش بالنار زي السوشيال ميديا ما بيقول وما اتحرقتش بمياه نار؛ لقيوها مدفونة في المزرعة إللي قالهم هيجيبوا فيها أضحية وكان مأجرها من شهرين وكان موجود السواق وحد تاني وأخدها وراح بيها بالسواق».

رواية صديقة شيماء جمال

وأضافت صديقة الراحلة شيماء جمال: «وعرفت من حد إن حصل مشادة كلامية بينهم، وشفت فيها خبطة الطبنجة على دماغها؛ أنا شفت المسدس مش ضخم زي مسدسات الشرطة؛ ده مسدس صغير بس تقريبًا الخبطة مع شدتها شيماء فقدت الوعي فيها، تاني حاجة المسدس مكانش فيه رصاص»، موضحة أن صديقتها تلقّت ضربة على رأسها بعدما قام بتكبيلها بجنزير.

واستطردت صديقة المذيعة شيماء جمال: «كان مكتفها بجنزير من رقبتها لرجليها وكان سايب إيد، ومشنوقة ومخنوقة مش عارفة الوضعية بتاعتها إيه، ووشها كان سليم مفيهوش أي حاجة خالص، واتعرفت على الجثة من ايديها ورجليها، وشيماء كانت بتحبة وتعزه وجنى كانت بتحبه جدًا وتقله يا بابي، وكانت عقدة شيماء إنه يبلغ مراته إنه متجوزها؛ دي كانت مشكلة شيماء وكانت نقطة الخلاف بينها وبين أيمن».

قالت علياء، الصديقة المقربة للإعلامية شيماء جمال، إن شيماء لم تلتق زوجته الأولى طيلة فترة زواجهما (6 سنوات)، مؤكدة أن الزوجة الأولى لم تلحظ على زوجها أنه كان يخرج بملابس معينة من بيته الأول ويرجع بغيرها.

مقتل شيماء جمال

وأضافت صديقة المذيعة شيماء جمال، خلال لقائها مع الإعلامية نهال طايل ببرنامج «تفاصيل» المذاع عبر قناة «صدى البلد 2»: «شيماء كانت بيتوتية بعد الحريق اللي حصل في البيت عندهم، وقعدت حوالي سنتين في البيت، وكانت بتطلع لايف من العربية أو البيت، وكانت بتخرج تتفسح أو تتمشى في الخمايل».

وأكدت أن صديقتها شيماء جمال، لم تكن تسمح لأحد بالاعتداء عليها، مستطردة: «شيماء مكانتش بتخلي حد يمد إيده عليها؛ كانت شخصية قوية وعنيدة حتى لو جوزها كان ممكن تأكله، وأنا مشفتوش عمره ضربها، كان ممكن فيه بينهم شتايم هو يشتمها هي تشتمه، ولم تحاول أن تتركه بسبب حب جنى ابنتها له، وأيمن كان بيحج كل سنة».

صديقة شيماء جمال

واستنكرت علياء صديقة المذيعة شيماء جمال، تخطيط الزوج للتخلص من شيماء خلال شهرين واستقدام أشخاص لمساعدته في هذا الأمر، مضيفة: «جبت منين القدرة والتفكير إنك تعمل ده؟، وانت اللي تروح تبلغ!؛ ده انت اللي رحت في أكتوبر قلت إن زوجتي الإعلامية شيماء جمال مختفية؛ وهو إللي كان بيدور معاهم».

ولفتت إلى أن القاتل أوهم المذيعة شيماء جمال بأنهما سيشتريان أضحية العيد، متابعة: «خدها لمزرعة فاضية وفيها مواشي ولو قتلتي القتيل فيها متسمعيلوش صوت؛ ولولا اعترافات السواق مكانش حد هيعرف شيماء فين، وقالت لكريم وخلود إنها نازلة تشتري أضحية مع أيمن، والكاميرات عند المزرعة جابته داخل هو وشيماء وخارج وحده، ولما لقيت أيمن مخطط الكلام ده كله عرفت إنها رخيصة عنده».

كشفت صديقة الإعلامية شيماء جمال المقربة، تفاصيل الحياة الزوجية قبل مقتلها على يد زوجها، مؤكدة أنه كان يحبها بشدة ورفض تطليقها سابقًا بعدما طلبت منه ذلك؛ لوجود خلافات أسرية بينهما تمت معالجتها.

قاتل شيماء جمال

وقالت علياء، صديقة شيماء جمال، خلال لقائها مع الإعلامية نهال طايل ببرنامج «تفاصيل» المذاع عبر قناة «صدى البلد 2»، إن الزوج القاتل «مكانش بيخلي شيماء تعمل حاجة؛ وهو كان مشكلته إن محدش يعرف زواجه من شيماء ومصر كلها عرفت، ومتوقعتش إن نهاية حياة شيماء تكون على إيد أيمن حجاج، وكنا عاوزين نفسح جنى بعد ما تنجح في تايلاند».

وأضافت الصديقة المقربة من الإعلامية شيماء حجاج: «جنى كان نفسها تشوف ماما علشان تعملها باي باي قبل ما ندفنها؛ علشان ما تحسش بالذنب، والسواق هو الذي اعترف عليه، وهو (زوجها) غلب عبد العال وحسب الله وريا وسكينة؛ على الأقل هما كانوا أربعة إنما هو كان لوحده خطط ونفذ الجريمة؛ وشيماء لو حد مد إيده عليها هتديله في وشة وأيمن 170 سنتيمتر و120 كيلو، وشيماء 150 سنتيمتر ووزننها 80 كيلو».

رواية صديقة شيماء جمال

ولفتت صديقة شيماء جمال، إلى أن زوجها القاتل رجل مخادع وذكي جدًا، مضيفة: «السواق راح مجلس الدولة واعترف عليه علشان يأخذ وضع شاهد ملك، وكانوا مسافرين دبي وكان بيخاف على زوجته الأولى وإحساسها جدًا ويقول دي أم أولادي، وشيماء لما حملت سقطها وكان دايمًا يدّعي المرض علشان ميخلّفش، وأنا عمال أكلم نفسي من إمبارح وكل اللي طالع عليه ليه؟؛ مشفتش منها حاجة وحشة وكنا بنلف وسط البلد علشان نجيب مقاسات خاصة لأيمن، والتانية (الزوجة الأولى) مكانتش مهتمة بأي حاجة؛ ده يبقى جزاتها!».

وأوضحت الصديقة المقربة من شيماء جمال: «شيماء ست نضيفة وكريمة وجدعة وخيّرة؛ ومعرفش ليه إللي حصل ده؟، مشفتش منها وحش!، وفي الأول كنت بقلها خلي بالك ده كهين، كانت تقلي ده غلبان وكفاية إنه بيحب جنا وبيخاف عليها، وإللي كان قالقها دايمًا جنى؛ كانت بتقلي لو ماتت هتسيب جنى لمين؟، وأبو جنى عنده ولد وبنت، ومؤخرًا كانت بتتكلم عن الموت كتير وتقولي عاوزة أئمن مستقبل جنى ولما أموت مش عاوزه حد يورثها غير جنى».

https://www.youtube.com/watch?v=-EkJ_04wqtM

شيماء جمال وعائلتها

وأكدت أن شيماء جمال كانت منقطعة عن عائلتها، وكانت محبة لمساعدة الغير، مضيفة: «جنى ربنا يتولاها، ومكنش فيه حد معايا في المشرحة (أنا وشيماء جمال بس)، وهي ملهاش علاقة بأخوها من 20 سنة، وحتى والدتها منذ فترة طويلة».

ووجهت رسالة أخيرة لزوج شيماء جمال قائلة: «ربنا ينتقم منك، كان بيتعامل معاها على إنها طفلة صغيرة، وشيماء مبتخفش غير من إللي خالقها ومبتخافش غير على بنتها، وكتّفها علشان شيماء كان ممكن تقعد عليه تبططه، وكان معيّشها عيشة كريمة، ولو شيماء كانت طلبت منه حاجة وقال لا كانت هتأكله».

سقوط نصاب المواقع الإليكترونية في قبضة الأجهزة الأمنية

سقوط نصاب المواقع الإليكترونية في قبضة الأجهزة الأمنية