صلاح عبدالله يكشف تطورات حالته بعد تعرضه لوعكة صحية

كشف الفنان صلاح عبدالله تطورات حالته الصحية، بعد تعرضه لوعكة خلال الساعات القليلة الماضية.

وكتب الفنان صلاح عبدالله في تغريدة عبر حسابه الرسمي بموقع التدوينات القصيرة إكس (تويتر سابقًا)، قائلًا: «البرد مبهدلني».

تطورات حالة صلاح عبدالله الصحية

وتابع: «والنزلة نازلة بقوة مطلعة عيني والله والظاهر إن العضمة كبرت بجد.. ماعادتش حمل البرد.. دعواتكم».

تطورات حالة صلاح عبدالله الصحية

تصريحات صلاح عبدالله

وفي سياق آخر، تحدث الفنان صلاح عبد الله عن موقفه من دخول ابنته مجال التمثيل، قائلًا: «فيه ناس بيزعلوا مني عشان بيفهموني غلط، أنا بحب الوسط وبحب زميلاتي جدًا».

وتابع الفنان صلاح عبدالله في تصريحات تلفزيونية له: «وكان سبب أني حاولت أقاوم حبها للتمثيل عشان صعوبة المهنة بتاعتنا.. أنا شايف زميلاتي بيتعبوا اد ايه، وإحنا شغلنا ساعات يبقى 14 ساعة و20 ساعة، وأوردرات ليل، وأنا كأب أشفقت عليها من هذا التعب، إنما مش اعتراضًا على الشغلانة خالص».

وقال عن موقف الزعيم عادل إمام معه في مسلسل الدالي: «لما كنت بعمل مسلسل الدالي أستاذ عادل إمام طلبني قالي مين اللي قتل ابن سعد الدالي، قولتله معرفش فطبعًا بهدلني في التليفون، قالي يعني أنا عادل إمام والوزراء بيسألوني، أقولهم معرفتش؟».

وعن تعامله مع السوشيال ميديا، علق الفنان صلاح عبدالله: «بعد الثورة عمرو يوسف عملي فيس بوك، كنا في إسكندرية بنصور حاجة كدا وعملولي فيس بوك هو وأمير شوقي، وقعدوا يدربوني عليه بس مدخلتش أوي.. وبعد الأزمة الصحية اللي حصلت لي في 2010 حسيت أني عايز أشارك واتكلم عن بلدي».

وأضاف: «دي كانت البداية، ثم جه تويتر مكنتش فاهم فيه حاجة، ونبيل الحلفاوي جه يسخني عليه وإنستجرام بناتي هما اللي شجعوني عليه.. والتواصل دا ساعات بتبقى فيه حاجات بتضايق إنما كمان فيه حاجات تفرح وعرفت فيه ناس مبدعة في كل المجالات».

صلاح عبدالله