صلاح عبدالله يكشف سر رفض دخول ابنته مجال التمثيل وغضب الزعيم منه

تحدث الفنان صلاح عبد الله عن موقفه من دخول ابنته مجال التمثيل، قائلًا: «فيه ناس بيزعلوا مني عشان بيفهموني غلط، أنا بحب الوسط وبحب زميلاتي جدًا».

وتابع الفنان صلاح عبدالله في تصريحات تلفزيونية له: «وكان سبب أني حاولت أقاوم حبها للتمثيل عشان صعوبة المهنة بتاعتنا.. أنا شايف زميلاتي بيتعبوا اد ايه، وإحنا شغلنا ساعات يبقى 14 ساعة و20 ساعة، وأوردرات ليل، وأنا كأب أشفقت عليها من هذا التعب، إنما مش اعتراضًا على الشغلانة خالص».

تصريحات صلاح عبدالله

وقال عن موقف الزعيم عادل إمام معه في مسلسل الدالي: «لما كنت بعمل مسلسل الدالي أستاذ عادل إمام طلبني قالي مين اللي قتل ابن سعد الدالي، قولتله معرفش فطبعًا بهدلني في التليفون، قالي يعني أنا عادل إمام والوزراء بيسألوني، أقولهم معرفتش؟».

وعن تعامله مع السوشيال ميديا، علق الفنان صلاح عبدالله: «بعد الثورة عمرو يوسف عملي فيس بوك، كنا في إسكندرية بنصور حاجة كدا وعملولي فيس بوك هو وأمير شوقي، وقعدوا يدربوني عليه بس مدخلتش أوي.. وبعد الأزمة الصحية اللي حصلت لي في 2010 حسيت أني عايز أشارك واتكلم عن بلدي».

وأضاف: «دي كانت البداية، ثم جه تويتر مكنتش فاهم فيه حاجة، ونبيل الحلفاوي جه يسخني عليه وإنستجرام بناتي هما اللي شجعوني عليه.. والتواصل دا ساعات بتبقى فيه حاجات بتضايق إنما كمان فيه حاجات تفرح وعرفت فيه ناس مبدعة في كل المجالات».

صلاح عبدالله

صلاح عبدالله ونور الشريف

واستكمل الفنان صلاح عبدالله حديثه: «السوشيال ميديا ممكن تحبط ناس، وأي حد بيناقشني بأدب واحترام فوق دماغي، ومادام تطاول أعرف أن دا عايز يكرهني في السوشيال ميديا، وهي عايزة وعي».

وفيما يخص علاقته بالفنان نور الشريف، روى موقف جمعه به في فيلم دم الغزال، قائلًا: «وحيد حامد كان مصمم إني أعمل دور عبد الستار ولكن الفنان نور الشريف عندما قرأ السيناريو طلب من وحيد حامد عمل دور عبد الستار».

وتابع: «لكن وحيد حامد وقتها كان رده أن ده دور صلاح عبد الله، ورد نور الشريف وقال له أنت صح».

صلاح عبدالله