طارق الدسوقي يتحدث عن نجاته من فقدان البصر.. ما علاقة سمير غانم؟

روى الفنان طارق الدسوقي موقف لا ينسى للفنان الراحل سمير غانم، وكشف كيف أنقذه من فقدان بصره.

قال طارق الدسوقي عبر تصريحات تلفزيونية: «كنت بصور مسلسل عزيزة ويونس في الإمارات وآخر يوم تصوير ليا هناك عيني خدت فيروس نادر جدًا لقيتها كلها أحمرت بقت لون الدم وبتجيب صديد وآلام صعبة جدًا طول الوقت عايز ضلمة».

سمير غانم ينقذ طارق الدسوقي من فقدان البصر

وتابع: «في نفس التوقيت ده كنت متعاقد على مسلسل تزوج وابتسم للحياة، وكان بيشاركني فيه أستاذ سمير غانم وأحمد بدير ورغدة ومجموعة كبيرة، كنت هرجع من دبي على بروفات المسلسل، والتصوير كان فاضل عليه 15 يوم فلفيت على أكبر دكاترة عيون محدش عرف يشخص الحالة».

واستكمل طارق الدسوقي: «قررت اعتذر عن المسلسل وابتديت اتشائم إني ممكن اتعمي، روحت عشان اعتذر عن عدم المشاركة في المسلسل وكان أستاذ سمير غانم موجود وحكيت له اللي حصل، طلب مني معتذرش عن المسلسل ودخل عمل تليفون ورجع أخدني عند دكتور علي المفتي من أكبر دكاترة العيون في الشرق الأوسط».

تصريحات طارق الدسوقي

وأضاف: «كان عشان تروح له لازم تحجز قبلها بشهرين، أستاذ سمير غانم أخد الميعاد وأخدني، الدكتور كشف عليا وقالي إحنا كنا على أبواب العمى ومش هقدر أقولك هننفد ولا لأ، وإدالي مراهم وقطرات وبعد أيام روحت له وقالي الحمد لله ربنا أنقذني، سمير غانم كان إنسان جميل».

واختتم طارق الدسوقي حديثه عن سمير غانم: «يكفي إني لما قربت منه عرفت أنه كان بيبقى في مسرحيات خلاص عرضها كذا سنة وبيبقى تعب وعايز يخلص المسرحية لكن يكمل عشان الناس اللي بتشتغل معاه».

طارق الدسوقي