عبد الباسط حمودة : «عمر كمال لما بيشوفني في حفلات بيجي يبوس أيدي»

نشر الفنان عبد الباسط حمودة فيديو جديد عبر حسابه الشخصي «فيس بوك» متحدثاً عن الأزمة التي حدثت بين الفنان سعد الصغير ومطرب المهرجانات الشعبية عمر كمال .

وقال خلاله، «لا أحد يجرأ أن يغلط في تاريخ طارق الشيخ وأحمد شبية وعبد الباسط حمودة، احنا تاريخ والزمن الجميل، وأسامينا موجود لحد دلوقتي، لذلك أنا اتصلت بالفنان أمير سامي وقولتله عمر كمال غلط فينا، قالي لا والكلام لم يخصنا، فأرجوكم محدش يظلم عمر كمال وحمو بيكا، وحسن شاكوش، وعمر كمال قال احنا منقدرش ولا نجرأ نغلط فيكم، أنتو بعيد عن الموضوع، وربنا يخليكوا لينا يارب».

وأضاف «عبد الباسط» خلال الفيديو قائلاً، «بالفعل شاهدت الفيديو والكلام طلع مش لينا احنا خالص، محدش يقوم الناس على الناس، والعيال محترمة عمر كمال وحسن شاكوش وحمو بيكا ولما بيقابلونا في الحفلات بيجوا يبوسوا أيدينا، وعمر كمال محترم ولم يخطأ في أحد، لأن الرزق بتاع ربنا وربنا يرزق الجميع ».

ومن جانبه عبر المطرب عمر كمال عن استيائه الشديد، من هجوم الفنان سعد الصغير على مطربي المهرجانات، خلال الفترة الماضية، وكتب «عمر» عبر صفحته الرسمية بموقع التواصل الاجتماعي «فيس بوك»، إن هناك مطربا شعبيا - لم يذكر اسمه - اختزل مشوارهم الغنائي في أغنية «بنت الجيران»، وأنه يفوقهم في الشهرة، لدرجة أن الجمهور لن يعرفهم لو سار بجانبهم في الشارع. وأضاف، «بيقول بنت الجيران بـ2 جنيه، وملهاش لازمة واحنا معملناش أي تاريخ يذكر، وانا بقولك دول شوية نجاحات بنت الجيران 600 مليون مشاهدة، عود البطل 434 مليون مشاهدة، شمس المجرة 114 مليون مشاهدة، لغبطيطا 160 مليون مشاهدة، أنتى معلمة 32 مليون مشاهدة، مساء النقص 23 مليون مشاهدة، شيكولاتة سايحة 52 مليون مشاهدة، بنبونى ساقط ف نوتيلا 53 مليون مشاهدة، بنتخان 28 مليون مشاهدة، فايقة ورايقة 17 مليون مشاهدة».

وتابع حديثه قائلاً، «مش هقولك إن تاريخك كله ميجيش مشاهدات أغنية زى عود البطل مثلاً، أو الـx6، بس هقولك احترمنا عشان احنا اخواتك الصغيرين، و بنحترمك وبنحترم أي حد أكبر وأقدم مننا في الشغل، ودي أرزاق، وده وقتنا، وأكيد غيرنا هيطلع بعدنا، زي ما كنت أنت في يوم بنتفرج على نجاحك وبنحبك».

القصة الكاملة لخناقة عمر كمال وسعد الصغير ..«احترمنا عشان احنا اخواتك الصغيرين»

هجوم على عمر كمال بعد اتجاهه للتمثيل .. وماندو العدل يرد «كنت فاهم أنه مقيد في نقابة الموسيقيين»

[embed]https://www.facebook.com/AbdelBassetHmouda/posts/277981103696906[/embed]