عبلة كامل تكشف حقيقة اعتزالها الفن

نفت الفنانة عبلة كامل شائعة اعتزالها الفن، التي انتشرت خلال الفترة الماضية، والتي تضمنت عدم ظهورها على الشاشة مرة أخرى .

وأكدت 'كامل' في تصريحات إعلامية،'أنا بحب أمثل بس، ومعتزلتش التمثيل، أنا بحب التمثيل جدًا، ولو جالي دور حلو أكيد هشتغله'.

وتابعت،'أنا شوفت مسلسلات رمضان اللي فات ولقيت فيها حاجات كتير جميلة جدًا ومتنوعة، لكن مفيهاش دور يناسبني، وأنا مستنية دور حلو'.

وتحدثت الفنانة عبلة كامل عن مرضها بعد عدة شائعات خرجت في الفترة الماضية بشأن إصابتها بالسرطان قائلة،'أنا سليمة وصحتي كويسة، مش تعبانة خالص'.

وأضافت،'محدش يقلق عليا، أنا كويسة وبخير لكن بعيدة عن الإعلام ومش حابة أظهر لأني بحب أمثل فقط '.

ووجهت 'عبلة' حديثها للجمهور قائلة،'أنا مَش زعلانه أنا مسامحه كل الناس و باقول للي كتب الخبر شكرًا انك وريتني حب الناس، انا متشكره لكل واحد بعتلي رساله حب، لكل واحد دعي لي، لكل حد نفسه يشوفني، و متشكرة للي كتب الخبر لأنه وراني حب الناس اللي يمكن ماكنتش حاشوفه'.

عبلة كامل:«أنا سليمة وصحتي كويسة .. وشوفت حب الناس»

أصيبت بالسرطان!!.. الإشاعات تطارد الفنانة عبلة كامل والعائلة تنفي.. فيديوجراف

عبلة كامل

الفنانة عبلة كامل