«زبونة في محل جزارة».. عفاف رشاد تكشف كواليس زواجها وطلاقها من محمد السبكي وسامي العدل

روت الفنانة عفاف رشاد، قصة زواجها من المنتج محمد السبكي، وهي الزيجة الثانية في حياتها؛ بعد زواجها الأول من الفنان سامي العدل، مؤكدة أن علاقتها بالسبكي أصبحت مجرد صداقة بعد الانفصال.

كواليس زواج عفاف رشاد ومحمد السبكي

وقالت عفاف رشاد، خلال تصريحات تلفزيونية: «من ساعة ما انفصلت عن محمد السبكي علاقتنا أصدقاء، وساعدني في تربية ابننا عمر وإنه يكمل في الجامعة ويسافر ويحقق أحلامه».

وعن طريقة زواجها من محمد السبكي؟، قالت: «كنت زبونة عندهم في محل الجزارة قبل دخوله مجال الفن، وكنت لسة مطلقة من سامي العدل وصغيرة، وفي البداية قلت للسبكي أنا مش عايزة أتجوز».

تدخل عايدة رياض

وتابعت: «الفنانة عايدة رياض شجعتني أتجوز محمد السبكي، وكان جواز عادي مش حب ودموع؛ لإني لقيته زوج مناسب وراجل ابن بلد وطيب، وأنا عايزة واحد يكمل معايا وأخلف منه، واطلقنا مرتين».

وعن سبب طلاقها من محمد السبكي قالت: «كنت مهتمة بمحمد جدًا أول ما اتجوزنا؛ ولما خلفت عمر أهملته تمامًا وكان له حق، ومحمد قاللي يا تبقي أم يا تبقي زوجة، إنتي متنفعيش تكوني الاتنين؛ واخترت أكون أم».

الطلاق من محمد السبكي

وأضافت: «كنت أتمنى الزواج يستمر وابننا يتربى بين أمه وأبوه، وطلبت منه لكن شاف إني عايزة أرجع له مصلحة وفضلنا أصحاب، ومحمد عصبي وأنا عصبية، ويمكن دي نقطة الخلاف بينا، وانفصلنا علشان ابني ميشوفش المشاكل، ووصلت لمرحة إني مش عايزة أشتغل معاهم، وأصور من الصبح لثاني يوم، والأدوار مش مرضية».

وأكدت أن «محمد السبكي كانت قعدته كلها معايا ومهتم بي، وكنت كويسة مع مراته ومفيش مشاكل مع ولاده، لكن أنا اخترت غلط، لذلك بقالي 30 سنة من عمر ابني مفكرتش أتجوز، لإن ابني لما يبقى شاب ممكن يغير على أمه ويتخانق مع جوزي، وأنا عايزة أربي ابني».

عفاف رشاد وسامي العدل

كما تحدثت عفاف رشاد، عن زواجها الأول من الفنان الراحل سامي العدل قائلة: «في الأول كان في حب وكنت صغيرة، وأنا اتخدعت في سامي العدل؛ كنت فاكرة إنه هيحبني»، مضيفة: «قاللي إنه مختلف مع زوجته الأخرى، لكن لقيت في مشكلة في حقوقي».

تعليق عفاف رشاد بعد تصدر صورتها التريند: «الجمهور متعود يشوفوني من غير مكياج»

عفاف مصطفى تخضع لعملية جراحية : «لا ينقصني سوي دعواتكم»