عمر شريف: أصولي صينية ونفسي أقدم قصة حياة محمد صلاح

كشف الفنان الصاعد عمر شريف كواليس أولى تجاربه التمثيلية، بفيلم برا المنهج مع الفنان ماجد الكدواني والمخرج عمرو سلامة.

قال عمر شريف عبر تصريحات إذاعية: «في فيلم برا المنهج عملوا أوديشن بين 400 واحد وفضلنا نقل لحد ما تم اختياري، وأنا اتعلمت خلال الفترة من بداية مشواري لحد دلوقتي من ممثلين كبار ومخرجين بيدوني نصايح بتفرق معايا في تمثيلي والواحد طول ما هو بيجرب وبيعمل حاجات جديدة بيكتسب خبرة».

تصريحات عمر شريف

وأشار إلى أنه قام ببطولة فيلم في الصين مع عدد من الممثلين الصينيين، معلقًا: «عملت فيلم في الصين مع فنانين صينيين كبار وكنت باخد تجربة جديدة هناك وفرقت معايا واستفدت منها حاجات كتير، واتعلمت الصيني والفرق بين الشغل في مصر والصين إن فريق العمل هناك في الصين كبير أكبر من مصر».

واستكمل عمر شريف: «أنا ليا أصول صينية واسمي فيه آخر اسمين صيني، ومسلسل تحت الوصاية أنا كنت بتعامل فيه على أساس إن كل فريق العمل أصحابي وأهلي وبنعمل الحاجة اللي بنحبها، وهو أقرب دور قريب لقلبي لأني بحب الأطفال عمومًا وكمان لأني بحب أستاذة منى زكي وكنت مبسوط إني همثل معاها والقصة كانت هادفة جدًا وأخدنا منها حاجات حلوة كتير وكنت عارف إني المسلسل هينجح وهيغير حاجات كتير».

أعمال عمر شريف

وفيما يخص الموازنة بين التمثيل والدراسة، قال: «بكون متفق في أي عمل إن فيه أوقات معينة بيبقى عندي فيها دراسة وامتحانات، فبيبقى عندي وقت أذاكر فيه وأروح التصوير وساعات بذاكر خلال أوقات التصوير، وأمي هي اللي بتدعمني في استكمال مشوار التمثيل مع الدراسة».

وعن أحدث مشاركاته من خلال مسلسل ساعته وتاريخه، قال عمر شريف: «مشاركتي في ساعته وتاريخه مكنتش أعرف إنها جريمة حقيقية وفعلًا بحثت عبر الإنترنت عن الجريمة وتفاصيلها وهي عن سرقة حذاء محمد صلاح من منزله في مصر، ونفسي أقدم قصة حياة محمد صلاح لأنه تعب في حياته من وهو صغير ووصل، وهو مثال للكفاح في كرة القدم».

طه دسوقي والطفل عمر شريف