عمر كمال لـ«حمو بيكا»: «عيب إحنا أكلنا مع بعض عيش وملح».. فيديو

رد المطرب عمر كمال على هجوم مغني المهرجانات حمو بيكا بعد الهجوم عليه بسبب عدة أشياء من أبرزها فلوس اليوتيوب و غناءه لأحد متاجر فساتين الأفراح قائلا: «انا فوجئت إن حمو بيكا منزل صورتي كأني واحد إسرائيلي أو واحد عدو وكاتب الكلام اللي انتوا شوفتوه ده كله».

وأضاف «كمال»، خلال بث مباشر عبر صفحته الرسمية على موقع التواصل الاجتماعي «فيسبوك»: «بص يا حمو أنا محترم وصبرت كتير على إهانات الناس وقلة أدب الناس وأنت طالع تقول على عمر كمال وحسن العجوز قصيرين، أنا ممكن اطلع أقول عليك بكرش لكن ده كلام ماليش فيه بس قلة الذوق أنا ماليش فيها ومش منطقي ولا مبدأي».

وأوضح «كمال»: «أول تراك انتي معلمة أخدته من حمو بيكا وشمس المجرة إنتاجي وإلحاني أنا سايبهولك على قناتك وفلوس وبنتخان ومساء النقص وفايقة ورايقة وكل التراكات سايبهالك على قناتك وأنت بتاخد فلوسها وبتكسب بيها ولكن من دلوقتي هقفل كل التراكات  التي شاركت فيها على قناتك».

وتابع: «حمو بيكا كان بايت عندي في البيت اللي كلنا فيه عيش وملح ورايحين مشوار وقولت له تعالى معايا عند الحلاق نعمل شعري ونروح مشوار ولقيته جايب واحد بيتفق معاه على شغل سنتر بتاع فساتين.. أنا مالي أعمل مهرجان لبوتيك ليه ولفستان فرح ليه وأنا عايز اشيل نفسي من الأسماء».

واستطرد حديثه: «أنا بتصل بيك أقدرك وأقولك هتاخد كام لكن انت مبتعملش كدا .. فلوسك مش مناسباني ومش عايزها وشايف الأجر ده قليل عليا بتتفق لي ليه، أنا طول عمري بديك تراكاتي .. وكنت بدافع عنك في النقابة وأنا يا حمو في عز ما كانت بنت الجيران قالبة الدنيا جت لك حد عندك في عز ما كان صحابك يهربوا منك وكنت بتوقف من النقابة وبقف جنبك».

وتساءل عمر كمال: «فين فلوسي فين فلوس فستان الفرح وفين فلوس المهرجان .. الشغل له أصول هو أنا اقدر أوديك فرح بدون عربون.. أنت دخلت بيتي ونمت في بيتي وأكلت في بيتي عيش وملح وعيب تكتب كده قدام الناس».

ووجه عمر كمال رسالة لحمو بيكا قائلًا: «يا بيكا عيب يا بيكا وعيب تقول أني صحبة مزيفة أنا عمري ما كسبت وراك أبيض ولا أسود وأنا سيبت لك 12 تراك على القناة كلت من وراها الشهد .. الشغل له أصوله وأنا لو بجمع في فلوس كنت سيبت لك التراكات دي كلها على قنواتك وأنا أكتر واحد بيتكلم عنك كويس في النقابة وأنا بغني معاك ومش عايز أحسسك أنك لوحدك ومنبوذ وأنك مش فنان».

وأنهى حديثه قائلا: «عيب تكتب عليا كده وأكلنا مع بعض عيش وملح وبلاش تعمل كده مع ناس بيحبوك والشغل اللي قال عليه ولا أخدت منه أبيض ولا أسود ولا عرابين والمفروض تاخد رأيي مش تحطني على أرض الواقع .. ولو أنت سايب لي تراك أنا سايب لك 15 تراك على قناتك وعمري ما سألتك في أبيض ولا أسود».

https://www.facebook.com/watch/OmarKamalok/

حمو بيكا لـ«عمر كمال»: «أنت أناني مبتحبش غير نفسك».. فيديو

خناقة حمو بيكا وعمر كمال لايف بسبب فستان فرح وفلوس اليوتيوب.. «صحاب مزيفة»