عمر كمال يرد على انتقادات الجمهور بعد غنائه لعبد الباسط حمودة: «غنيت على استحياء»

واجه مطرب المهرجانات عمر كمال، هجوماً بعد غناءه أغنية «أنا مش عارفني»، للمطرب الشعبي عبد الباسط حمودة.

ونشر عمر كمال تعليقا عبر حسابه الرسمي على موقع التواصل الاجتماعي «فيس بوك»، قائلا: «أنا فاهم وعارف حتتي كويس أووي اللي بغنى فيها، ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي في حتة ومطرب شاطر في حتة، وربنا خلق أصواتنا ومساحاتها غير بعض خالص، بس كل واحد ليه بصمة ولون وطعم وإحساس غير التاني».

وأضاف «كمال»: «أنا مش مطلوب مني أغني لحن مش بتاعي ومش شبهى ومش مساحات صوتي فطبيعي هغنيه على استحياء وكمان لما يكون صاحبه موجود وبيغنيه بقاله 20 سنة يوميا أكيد هيقوله أحسن مني 100 مرة».

وتابع: «كوني غنيت حاجة مش بتاعتي وآدائي فيها كان مش كويس فده لا يقلل مني وأنا قولتها إرضاءا للطلب ولما صاحبها غناها معايا أكيد غناها أفضل مني لأنها بتاعته ومساحته وشكله فده أمر طبيعي».

عمر كمال لـ هانى شاكر: لو مطربو المهرجانات اشتغلوا رسمي هيخافوا يقولوا كلام وحش.. فيديو

عمر كمال لـ هاني شاكر: أنت قيمة وقامة ومصر كلها بتتأسف لحضرتك لو سمعت أي كلمة تضايقك.. فيديو