عمر كمال يطالب بـ احتواء مطربي المهرجانات

خرج مطرب المهرجانات الشعبية عمر كمال ليرد على ما انتشر على بعض المواقع الإخبارية بشأن مهاجمته لأصدقاءه مطربي المهرجانات الشعبية .

وقال خلال فيديو عبر حسابه الشخصي «فيس بوك»،«أنا مع الفنان هانى شاكر في كلامه أن لازم يكون فيه تقنين لكلمات المهرجانات، لكن لازم يكون فيه احتواء لمطربى المهرجانات ويتعمل شعبة مؤدى مهرجان، زى ما فيه شعبة لمطربي الراب».

وأضاف عمر كمال: «أنا اتوقفت 9 شهور قبل كده اتعلمت فيهم الأدب بسبب لفظ خمور وحشيش في أغنية بنت الجيران، ورغم أنى عملت أغانى حققت ملايين المشاهدات على يوتيوب، مقدرتش أمسك فلوس من الغناء اللايف، ولكن خلاص مضيت إقرار في النقابة بأنى مش هاقول أي كلام خارج، وأي أغانى أعملها بعرض كلماتها الأول وأخد موافقة عليها».

وتابع، «لازم الفنان هانى شاكر ونقابة المهن الموسيقية تخلى شعبة لمطربى المهرجانات، وتكون فيه تصاريح لهم بالغناء، وتكون فيه موافقة على كلماتها قبل الغناء، ووقتها هيخافوا يقولوا ألفاظ عشان ميتمنعش من الغناء، وحمو بيكا لازم ياخد تصريح مؤدى مهرجانات».

وواصل: «لازم تقنين أوضاع مطربي المهرجانات، دلوقتي مفيش اعتراض على المزيكا، وعايزين كلام كويس، يبقى نقنن الموضوع، هتقولوا أصوات، هقولكم طيب ما أنتوا أجازتوا الراب.. الثقافات اتغيرت ولازم نتقبل ذلك،المهرجانات لازم يتعملها شعبة جواه المهرجانات، والاغاني تكون تحت رقابة المصنفات، أنا مغلطتش في زمايلي وعمري مااتخلي عن زمايلي».

عمر كمال: عمرها ما جت بالساهل ومفيش فرحة مدفعتش حقها

13 معلومة عن سيارة بنتلي .. عائلة سعودية تمنح عمر كمال هدية فارهة