عمر مرموش يحكي قصته مع كرة القدم وبداية احترافه

حكى عمر مرموش، نجم منتخب مصر المحترف بصفوف إينتراخت فرانكفورت الألماني، قصته مع الساحرة المستديرة، وبداية احترافه الكرة، بالتزامن مع التقارير التي تربطه بالانضمام لصفوف مانشستر سيتي الإنجليزي.

وقال عمر مرموش في تصريحات تليفزيونية، الآتي:" بالعب كورة من عمر سنتين، كان واضح للبيت أن الكورة أهم حاجة في حياتي، كنت بكسر حاجات في البيت بالكورة، ووالدتي تزعق لي، وكنت شايف اني لو احترفت هاتعب، بس هاحقق حاجة كبيرة قوي، لو رحت نادي كبير في مصر كنت هاحقق شىء كويس لكن اللي هاحققه برة هيكون أعلى بكتير".

وأكمل:" أنا عندي 14 سنة جت لي معايشة في نادي سويدي.. قعدت في أوضة في المطار مش عارف أخرج ومش عارف أقول لهم "طلعوني عايز آكل.. رحت الفندق قفلت الباب وقلت "ايه اللي انا باعمله ده؟" كلمت والدي قلت له "رجعني حالا"، وكشاف اسمه ليدبارسكي شافني مع منتخب الشباب، عملوا لي دعوة للاختبار في أندية فولفسبورج بعد 3 أيام كان عندهم مباراة ودية، لعبت وبعدها مباشرة طلبوا التعاقد معايا.

وتابع :" مكنتش فاهم ليه والدي كان رافض إني أروح التدريب علشان أروح المدرسة، كنت بأقول لنفسي "انت ليه عايز توقفني؟" بس لما كبرت فهمت".

وواصل :" وأنا صغير جربت كرة اليد وكرة السلة والسباحة بس مفيش حاجة شدتني غير كرة القدم، وطول ما الكرة معايا أنا مبسوط".