غادة عبد الرازق عن موقفها من المساكنة: متربيين وعارفين الحلال والحرام

أوضحت الفنانة غادة عبد الرازق موقفها من المساكنة لبناتها حفيداتها، مؤكدة أنها ترفض هذه الفكرة بشكل تام.

غادة عبد الرازق تتحدث عن المساكنة

قالت الفنانة غادة عبد الرازق في تصريحات تلفزيونية: 'مش هستنى واحدة من حفيداتي تيجي تقولي انها هتعيش مع واحد بدون زواج'.

وتابعت غادة عبد الرازق كلامها عن هل توافق على المساكنة لحفيداتها، وقالت: 'من وهما صغيرين متربيين وعارفين الحلال والحرام'.

واستكملت كلامها قائلة: 'عمر حفيداتي ما هيوصلوا لحاجة زي دي لأن أنا وأمهم عارفين ربيناهم على ايه يصح وايه مايصحش'.

غادة عبد الرازق

غادة عبد الرازق وموقفها من عمليات التجميل

وعلى جانب أخر تحدثت النجمة غادة عبد الرازق عن موقفها من اجراء عمليات التجميل أو عمليات البوتكس والفيلر التي تشد ملامح الوجه.

قالت غادة عبد الرازق في تصريحات تلفزيونية: 'عمري ما أحقن فيلر وبوتكس، أنا ممثلة وشي ده وتعبيراته هي اللي بتوصل للناس، ومش مطلوب مني أبقى مثالية 24 ساعة، الكمال لله وحده'.

وحرصت غادة عبد الرازق توضيح سبب نحافتها التي ظهرت بها مؤخرًا، وقالت: 'أنا بعمل كل ده عشان ده شغلي رأس مالي فقط لا غير، وأنا شايفة أن النجوم لازم يبقوا في أبهى صورهم الشكلية والنفسية والصحية والجسمانية، ده لازم يحصل مش شايفة أنه غريب'.

غادة عبد الرازق

غادة عبد الرازق ومسلسلها الجديد

وعن مسلسل غادة عبد الرازق الجديد صيد العقارب، قالت: 'ادعولي وإن شاء الله أعمل حاجة تليق بيا وبـ اسمي وتاريخي وجمهوري، وإن شاء الله تتبسطوا'.