فريدة سيف النصر: بكلف لبسي عشان أطلع بشكل لائق الناس تحبه.. فيديو

كشفت الفنانة فريدة سيف النصر، أنها قامت بتركيب كاميرات حراسة بعد سرقتها من المنزل لأكثر من مرة، حيث تعرضت حقيبتها الخاصة للسرقة عدة مرات وأيضا اكسسوارات غالية الثمن وملابس باهظة الثمن، قائلة: أنا بكلف لبسي عشان أطلع بالشكل اللائق اللي الناس تحبه وتكون مبسوطة.

وواصلت: أنا بتسرق وأنا نايمة لأني نومي تقيل، يعني لو حد شالني وأنا نايمة مش هحس بيه، وقصة أن الفن حلال أو حرام في حاجه اسمها وسط وممكن الفنان يقول آه أو لأ على حسب اختياراته.

وتابعت خلال مداخلة هاتفية مع الإعلامية نهال طايل، مقدمة برنامج تفاصيل المذاع على قناة صدى البلد 2، موجهة رسالة لبعض زملائها قائلة: لما أنت عندك ملايين من الأجور متنزلش لحد علشان ينتجلك بكام مليون والأمثلة كتير وحاجات تشل، أنا لما بهاجم حد ببقى عارفه أني مش هشتغل لكن مش فارق معايا.

وأردفت فريدة سيف النصر، أن النشأة تكون الشخصية، وفي ناس دماغها كلها البرندات واللبس والشنطة مش عارفة بكام وكلها حاجات تشل عشان في ناس مش عارفة تاكل، معلقة: أنا لو عندي حاجة حلوة مش بقول عليها استنادا لحديث الرسول.