فريدة سيف النصر تكشف سبب اعتذارها عن التكريمات: أنا مش من هواة لم الشهادات

كشفت النجمة فريدة سيف النصر السر وراء اعتذارها عن حضور عدد من التكريمات التي تعرض عليها، وذلك عقب نجاحها في أي عمل فني.

أشارت فريدة سيف النصر، إلى أنها ليست من الفنانين الذين يسعون وراء اغتنام الشهادات، وكتبت عبر حسابها بموقع التواصل الاجتماعي وقالت: "والنبي ما تزعلوا مني افهموا طبعي، والله العظيم ده التكريم 15، وقبله جرائد كبيرة وقنوات وحتى في لبنان وجريت هربت، وكل سنة كتير".

وتابعت سيف النصر: "أنا مش من هواة لم شهادات وتماثيل.. وأجري لوحدي وكأني نمبر وان العمل، لأ أي عمل عملته وراه ناس كتير أوي لنجاحي، أنا باخد اللي أكبر من كل ده أنا في حضن قلبي جمهوري، واللي بيعمله معايا دائمًا رغم أي حد بيردم على نجاحي تراب، هما بيشيلوا التراب ويحطوا دهب والماس، بحبهم اللي كنوز الدنيا ما تقدرش تشتريه لأي حد.. أعتذر كل تكريم وبحبكم لكن من الظلم ترك الآخرين في الظل".

واستكملت فريدة سيف النصر كلامها، وقالت: سامحوني دي فريدة وتفكيرها اللي جايبني ورا لكن هاعمل إيه دي أنا، بالمناسبة بتكلم عن زملاء عجبوني أوي اتقال لي انتي عبيطة بتنوري غيرك اللي ماجابش سيرتك تاني، أنا مالي دي أنا، ويمكن ضميري ده اللي محبب خلق الله فيا بأمر من رب العالمين، يا ناس خلوها على الله دي كلها متر في متر فوقوا والنبي".