فريدة سيف النصر تكشف سر عن أحمد عز في كواليس فيلم فرقة الموت

كشفت الفنانة فريدة سيف النصر تفاصيل مشاركتها الفنان أحمد عز في فيلم فرقة الموت، أحدث أعماله الفنية المقرر عرضه في 2024 المقبل.

نشرت فريدة سيف النصر صورة جمعتها بالفنان أحمد عز، عبر حسابها الرسمي بموقع فيس بوك، معلقة: «في يوم جميل والهواء شديد جدًا بقى يدخل الهدوم زي البراشوت وضحكت ضحك عمري برغم الألم والله».

فريدة سيف النصر وأحمد عز

وتابعت: «الفيلم ده من 3 أفلام وكبار جدًا هو اللي بعمله أنا غريبة مش أي شخصية تشدني.. والله كلنا في الشغل مالناش سيرة غير غزة والعيال لكن ده شغلنا.. المعلمة قشطة في فرقة موت مع الجمال والأدب والذوق سوبر ستار أحمد عز».

وأعربت فريدة سيف النصر عن سعادتها للتعاون مع الفنان أحمد عز، مضيفة: «سعيدة إني بتقابل مع جيل جديد، اتفاجأت أن عز عارف شغلي وكمان وهو بيتفرج عليا وأنا بصور عمال يشكر فيا وصلولي طبعًا، والأحلى مدير التصوير هو بتاع بدون ذكر أسماء، واتكلم عز على نور الشريف بحب وإني محظوظة عملت معاه أهم أعمالي وهو عمل معاه وأهتم بيه جدًا».

فريدة سيف النصر فيلم فرقة الموت

واستكملت: «ومحمود عبدالعزيز وجماله.. قد إيه بيحبهم.. أحمد عز كان نفسه يشتغل مع عاطف الطيب أنا عملت جبر الخواطر معاه وخدت جائزة من نادر جلال، أنا بجد أحمد الله محظوظة في الجيل اللي حضرته وأنا صغيرة من نجوم مش هتتكرر اتعلمت على إيديهم.. والجيل ده بتاع عز وأنا كبيرة عندنا أجيال هتكمل بجدارة.. فيلم فرقة موت بطولة أحمد عز، آسر ياسين، القمر منة شلبي، الجميلة أمينة خليل».

وكشفت فريدة سيف النصر فريق عمل الفيلم، قائلة: «مع السوبر ستار دائمًا محمود حميدة الإضافة لكل عمل، وإنتاج هشام عبد الخالق، وإخراج أحمد علاء، منتج فني المحترم هاني عبدالله، بصراحة كلهم عشق العشق.. مافيش شعور أجمل من أنك تشتغل مع ناس فرحانة بيك ومخرج عارف إمكانياتك فبسببك تبدع.. هقول لكم على حاجة تخبل».

واختتمت قائلة: «تخيلوا أحمد عز ممكن يعمل كوميديا، بقى يقول لي إفيهات قسمًا بالله حلوة قد ما تفاعل معايا قولتها.. يارب ينجحوا كلهم ويكسروا الدنيا».

فريدة سيف النصر وأحمد عز