في ذكرى ميلاده.. هشام سليم تمتع بحب الأصدقاء بعد وفاته وعاش فترة مرضه مطمئنًا

تحل ذكرى ميلاد الفنان الراحل هشام سليم الـ 66 اليوم السبت 27 يناير، والذي يتميز بحب أصدقائه بشكل كبير، حيث أنهم عقب وفاته لم ينسوه وحرصوا على أن تكون له صدقة جارية.

هشام سليم وحب الأصدقاء

عقب وفاة هشام سليم حرص عدد من نجوم الفن على زرع شجرة تحمل اسمه، على هامش مهرجان الأمل السينمائي بصقلية.

وشارك يحيى الفخراني وإلهام شاهين وليلى علوي في زرع شجرة باسم الفنان الراحل هشام سليم، ثم قراءة الفاتحة على روحه.

لماذا رفض هشام سليم العمل مع المخرج رأفت الميهي؟

ومن المحطات التي لا يعلمها الجمهور عن هشام سليم، هو أنه رفض العمل مع المخرج رأفت الميهي، حيث قال هشام سليم في لقاء نادر له، أنه رفض العمل مع المخرج بعد أن قدم معه ثلاث أفلام أبرزها فيلم «ميت فل».

وقال الراحل: «عملت مع المخرج رأفت الميهي ثلاث أفلام ،وهو له مدرسة لوحده وأحلى حاجة فيه إنه بيكتب اللي بيخرجه».

وتابع هشام سليم حديثه، وقال: «اختلفت معاه بسبب حاجة بسيطة جدًا، لأني في وسط تصوير أحد الأفلام روحت قولتله إيه رأيك في المشهد ده ويتعمل ازاي، لاقيته قالي اعمله زي ما انت عايز ومقليش وجهة نظره، وقتها حسيت إني اتشفطت وبقيت مش فاهم أنا غلطت في إيه وسألت نفسي هو في حاجة أنا عملتها غلط».

وأضاف: «من بعد الموقف ده مردتش اشتغل معاه وقولت أكيد هو متضايق في حاجة ورغم إننا شوفنا بعض بعدها وسلمنا على بعض وبنحب بعض، إلا إني عمري ما سألته في إيه ولا هو قالي يا ابني الحكاية كذا وكذا».

وكشف هشام سليم أنه ليس الشخص الذي يعاتب، وقال: «اللي بحس إنه زعلان مني مبعتبهوش لأن لو زعلان مني مفروض يجي يقولي أنا زعلان منك عشان كذا وكذا ولو هو صح هقوله أنا أسف، ولو هو غلط هقوله أنا غير المسألة دي خالص».

هشام سليم

واختتم حديثه، وقال هشام سليم: «استفدت من شغلي معاه إن اتكتب في السي في بتاعي إن ليا ثلاث أفلام مع رأفت الميهي».

أخر كلمات هشام سليم

وأخيرًا كان هشام سليم يقضي فترة مرضه بكل تفاؤل برفقة أبناءه حيث أنه في أخر فترة في حياته قضى أيامًا منها في العين السخنة، كي يستمتع برفقة نور ابنه.

تحدث هشام سليم لأخر مرة قبل رحيله في تصريحات تلفزيونية، عن مرض السرطان وكان حديثه مليء بالضحك وعدم القلق من المرض.

قال: «أنا الحمد لله كويس وكله تمام الحمد لله، وبيتهيألى السرطان اللى بتقولوا عليه دلوقتى أحسن من كوفيد والحاجات اللى بتضيع البنى آدمين فى 3 أيام».

وتابع هشام سليم حديثه، مؤكدًا أنه راضي بقضاء الله، وقال: «كل اللى يجيبه ربنا كويس وأنا بخير لحد دلوقتى والحمد لله وقاعد في السخنة».