قبل ماجد الكدواني.. أشهر مشاهد المناجاة مع الله بالسينما والدراما

ياسمين حمادة 28 يناير 2023 | 04:19 مساءً

حصد النجم ماجد الكدواني إشادات واسعة بسبب مشهد المناجاة مع الله في مسلسل موضوع عائلي الحلقة الأخيرة، ولم يكن الأول حيث سبقه عدد كبير من النجوم في السينما والدراما.

مشاهد المناجاة مع الله

هناك الكثير من مشاهد المناجاة مع الله قدمها نجوم الفن، وآخرهم ماجد الكدواني الذي ظهر يناجي الله بسبب المتاهة والأزمة التي كان يعيش بها من خوفه بسبب الخضوع لعملية إزالة ورم في المخ، يرصدها موقع قناة صدى البلد في السطور التالية.

قال ماجد الكدواني في مشهد المناجاة مع الله بمسلسل موضوع عائلي 2 : «يارب أنا أسف لأني اتاخرت معاك في الكلام مع إني عارف ومتأكد إني مليش غيرك اتكلم معاه بس انت عارف أنا بنسى».

مشاهد المناجاة مع الله

ماجد الكدواني يتحدث مع الله

وتابع : «ومش معرف حد خالص بس مفيش حاجه تخفى عليك يارب يارب أنت عارف.. يارب أنا مليش غيرك اتكلم معاه أنت فاحص القلوب يارب.. يارب أنا تايهة ومش عارف أعمل إيه يارب أنا خايف خايف جدًا، يارب لو عايز تزيح عني التجربة دي زيحها.. لو عايز تكملها كملها».

واستكمل ماجد الكدواني حديثه مع الله: «أنا عارف أنه اختبار وعارف أن لا يمكن تحمل حد فوق طاقته بس الاختبار صعب عليه أوي يارب، بس أنا راضي.. وعزتك و جلالك أنا راضي بـ أي حاجة، لو أردتني إني أنا أموت عندي طلب واحد ورجاء واحد تاخد بالك من ساره.. ساره دي بتعتك قبل ما تكون بتعتي».

مناجاة الفنانين مع الله

واختتم كلامه: «ساره دي هديتك ليا، وأنت لو مكنتش رايد تعرفني بيها مكنتش خليتني القيها ولا كنت خليتني حبيتها الحب ده كله، لو موت خد بالك منها، خفف عنها كسرت القلب، خليها تنسي زعلها عليه بسرعة، طبطب على قلبها.. ساره صغيره متستحملش، هون عليها اللحظة دي يارب، ما توجعهاش بيا».

ومن بين الفنانين الذين ناجوا الله في مشاهد بالدراما والسينما منهم الفنان محمود حميدة، ضمن أحد مشاهد فيلم بحب السيما، قائلًا: «الناس بتكذب على بعض لكن أنا بكذب عليك أنت!.. عامل قديس ده حلال وده حرام ومعذب روحي ومعذبهم معايا في البيت و في الشغل كل ده كذب!».

مناجاة الفنانين مع الله

مناجاة الله في السينما

وقال أيضًا: «لكن الحقيقة إني بحب الخطية وكل اللي بعمله ده عشان خايف، خايف ترميني في جهنم يعني لو مفيش ولا جنة ولا نار يا ترى كنت هعمل نفس الحاجات؟.. أنا بعد العمر ده كله اكتشفت إني معرفكش أنا اعرف شوية فرائض وأوامر ونواهي لكن معرفكش، وكل الناس دول بيتكلموا عنك وما يعرفوكش!».

واختتم محمود حميدة كلامه: «وكلنا بنتفق في حاجة واحدة بس إننا بنتكلم عنك ومنعرفكش.. أنا بعترف وبصوم وبصلي لكن مبحبكش.. أنا دايمًا خايف منك.. أنا دايمًا خايف منك.. نفسي أحبك.. نفسي أحبك زي ما تكون أبويا».

وفي فيلم صاحب المقام، ظهر محمود عبد المغني يتحدث مع الله قائلًا: «أنا يارب؟ بتسمعني أنا؟.. ده أنا مدمن ابن كلب واطي مليش 30 لازمة، أنا يارب؟ أنا؟ ترد على واد عويل أفيونجي ترمادولجي؟.. طب إزاي؟ إزاي؟».

مناجاة الله في السينما

مناجاة الله في الدراما

ومن جهتها، ناجت هند صبري الله في أحد مشاهد مسلسل حلاوة الدنيا، قائلة: «ليه.. عايز تختبر صبري!!.. طب أنا صبري خلص.. إنت بقا رحمتك مبتخلصش!.. رحمتك فين؟».

مناجاة الله في الدراما

وفي مسلسل رمضان كريم، ظهر الفنان الراحل محمود الجندي يناجي الله، قائلًا: «يارب إنت اللي عالم بحالي إنت اللي عارف إني مش عايز أغضبك بس العيشة صعبة والمرتبات زي نقطة الماية اللي بتضيع في بحر المصاريف كل شهر، وأقساط الجمعيات هادة حيلي.. مخنوق.. مخنوق يارب مش عارف أخد نفسي».

وأضاف: «زمان لما كنت بقبض مرتب صغير كان مكفيني ومكفي عيالي لكن دلوقتي مش عارف أدوقهم اللحمة مرة في الأسبوع، يارب المرتبات زي خيل السبق بتجري تسبق الأسعار شايلين الهم وساكتين وراضيين مش عارفين أخرتها إيه.. يارب مليش غيرك يارب طمعان في سترك ورضاك».

مناجاة الله في الدراما