كارولين عزمي تكشف تفاصيل تعرضها للتحرش .. «عايزة حقي»

كشفت الفنانة الشابة كارولين عزمي ، عن تعرضها للتحرش، أثناء قيادتها لسيارتها.

ونشرت مقطع فيديو يقوم خلاله شاب بالتحرش لها، وعلقت كارولين على الفيديو قائلة، « مساء الخير، أنا اللي يعرفني أو متابعني عارف إني شخص مالوش في المشاكل ولا عمري شاركت مشكلة تخصني سوشيال ميديا».

وأضافت، «باختصار النهاردة كنت في عربيتي وجنبي عربية فيها واحد كسر عليا، كل اللي عملتوا إني بصتله وبصيت قدامي فلقيته بيكرر نفس الحركة تاني بإستظراف، روحت طلعت الموبايل وعملت نفسي بصور عشان أخوفه وأخليه يبطل يضايقني».

تفاصيل التحرش بـ كارولين عزمي

وتابعت، «اتفاجأت وهو بيقولي بتصوريني يا بنت ... ساعتها اتخضيت وبدأت أصور بجد وإنتوا هتشوفوا في الفيديو الحركات اللي بإيده والشتايم، وبدأ يقولي تعالي ورايا والحقيقة إني مش عارفة أروح واره فين أو كان عايز يعمل إيه ولانى اتوترت وخوفت ساعتها مقدرش أصور ١٪؜ من اللي عمله الشخص ده».

واستكملت حديثها، «أنا اتشمت واتهانت واتشمت بأهلى بأقذر الشتايم النهارده من حد معرفوش ولا عملتله حاجة ولا فتحت بوقي لمجرد إنه شخص مريض، أكيد الشخص ده أذى بنات كتير لأنه تقريبا متعود على الحركات دي ومتعود يخوفهم ومش همه حتى إنه يتصور ويتفضح، أنا عايزة حقي يرجعلي».

موعد عرض مسلسل «أبو العروسة» الجزء الثالث

حصاد 2021 .. أبرز حالات الطلاق مابين الغيابي والمحاكم أخرهم مصطفى فهم