«أبو العينين»: أسّسنا أول مصنع بورسلين في الشرق الأوسط ونصدر لأكثر من 100 دولة

كشف النائب محمد أبو العينين، وكيل مجلس النواب، عن كواليس رحلته الطويلة في عالم الصناعة والاقتصاد، متحدثًا عن بداياته، والتحديات التي واجهها، وكيف استطاع أن يبني اسمه ومكانته بجهد وإصرار.

وقال أبو العينين خلال حواره مع الإعلامي معتز الدمرداش، ببرنامج ضيفي المذاع على قناة الشرق: " دخلت الصناعة بحُب، ماكنتش بفكر في الفلوس بس، كنت بفكر أعمل منتج مصري الناس تفتخر بهه، وبدأت بمكنة واحدة في ورشة صغيرة، وكنت بنام فيها، مافيش مكتب ولا سكرتارية، أنا كنت صاحب الشغل والعامل في نفس الوقت".

وتابع أبو العينين: "شوية شوية، بقى عندي مصنع، وبعد كده مصانع، وشغلت ألفين عامل، وصدّرت منتجاتي لبلاد برّا، ورفعت اسم مصر في معارض دولية".

واستكمل: "أنا مؤمن إن الصناعة هي اللي تبني بلد، ومفيش نهضة حقيقية من غير مصانع تشغّل الناس وتنتج وتصدر.. دي كانت رؤيتي من أول لحظة".

واختتم أبو العينين قائلا: "ما كنتش بستنى حد يعلمني، كنت باشتغل وأوفر من فلوسي، وسافرت أوروبا علشان أتعلم بعيني، وأشوف الناس هناك بتشتغل إزاي، لفيت مصانع كتير في ألمانيا وإيطاليا، وكنت دايمًا شايل نوتة وأكتب كل حاجة بشوفها.. مافيش لحظة ضيعتها، كنت عايز أرجع أطبّق كل ده هنا في مصر".