للمرة الثانية.. بهاء سلطان يطرح فيديو كليب أغنية «مارتحناش»

طرح المطرب بهاء سلطان، فيديو كليب لأغنية «مارتحناش»، عبر قناة روتانة على اليوتيوب، للمرة الثانية بعد أن طرحها منذ 9 أيام على طريقة فيديو بالكلمات وتخطت نسبة 2 مليون مشاهدة.

وتعاون بهاء سلطان في أغنية «مارتحناش» مع الشاعر هاني رجب، والملحن إسلام معز، والموزع الموسيقي عمرو صلاح، والفيديو كليب من إخراج كامبا.

كلمات أغنية مارتحناش لـ بهاء سلطان:

«أصعب حاجة في حياتك تبعد عن اي ناس

لو كان البعد راجل كنت قتلته وخلاص

لو كان البعد راحة كنا ارتحنا ونسينا

بس احنا بقالنا فترة بننام بدموع عنينا

✶✶✶

ومرتحناش ولا الناس اللي بعدوا ارتاحوا بعدينا

ولا حبايب هتيجي في يوم تنسينا

دي قلة راحة غصب عنا مابنهداش

ومرتحناش ولا الناس اللي بعدوا ارتاحوا بعدينا

ولا حبايب هتيجي في يوم تنسينا

وقالوا هننسى بس بجد مابننساش

✶✶✶

دايما تيجي النهاية عكس اللي اتمنناه

بعد ماتظبط حياتك على حد تكون معاه

تيجي الدنيا في ثواني تاخده بعيد عن ايدينا

ولا منه فضل معانا ولا منه غريب علينا

✶✶✶

ومرتحناش ولا الناس اللي بعدوا ارتاحوا بعدينا

ولا حبايب هتيجي في يوم تنسينا

دي قلة راحة غصب عنا مابنهداش

ومرتحناش ولا الناس اللي بعدوا ارتاحوا بعدينا

ولا حبايب هتيجي في يوم تنسينا

وقالوا هننسى بس احنا اللي مابننساش».