لن أندم على أي حرف جر فيها.. مصطفى كامل: لو بيوصمونا بالعار في تسلم الأيادي فأنا فخور بالوصمة.. فيديو

قال الفنان مصطفى كامل، إن قصة أغنية تسلم الأيادي بدأت أثناء جلوسه مع الدكتور يحيى البستاني ومرتضى منصور والمخرج الراحل على رجب.

أوضح مصطفى كامل خلال لقائه مع الإعلامي أحمد موسى ببرنامج «على مسئوليتي» المذاع على قناة صدى البلد، أن الجلسة اقتصرت عليه هو يحيى البستاني في ميدان الدقي فطلب منه الجلوس في مقهى، وحينها شاهدا تحرك الدبابات بالشارع.

بيّن مصطفى كامل، أن يحيى البستاني من المحبين لوطنهم مردفا «وقتها كان فاضل 3 أيام وأطلع عمرة رمضان، فقال لي متيجي نعمل حاجة، فقلت له خلاص إحنا لو عملنا حاجة هنعمل بمناسبة العاشر من رمضان، يا يحيى أنا مسافر يوم 9 على طيارة 4.5 أنا وأمي وأولادي وأخواتي، فقال لي بس نحاول».

أردف مصطفى كامل أنه عاد إلى المنزل حينها فشعر بأن لحن تسلم الأيادي يسيطر عليه، مشيرا إلى أنه من مدمني الموسيقار بليغ حمدي ولديه شغف كبير بهذا الرجل وموسيقته البسيطة التي تخترق الوجدان.

استكمل مصطفى كامل: «فضلت على تيمة تسلم الأيادي لغاية ما قفلت الأغنية، فاتصلت بـيحيى البستاني وقلت له تصدق طلعت معايا حاجة فقال لي يلا يا مصطفى والنبي، فكلمت الموزع أحمد عادل، وفضلنا نضبط فيها على التليفون وكل ده مكنتش كتبت كلمة بس الحمد لله أنا مميز في التركيب على اللحن».

أضاف مصطفى كامل: «اتصلت بحكيم بقول له أنت فين يا حكيم قال لي ده أخويا عامل حادثة على طريق الواحات، فقلت له أنا عايزك في الأستوديو تيجي لي؟ وصل حكيم، وقال لي هنقول إيه؟ فغنيت له الأغنية، وابتديت أحط موسيقى الكلمة، وحكيم وإيهاب توفيق جايين مش عارفين هيعملوا إيه».

استطرد مصطفى كامل: «إيهاب توفيق قال إحنا في الحظر قلت له هبعت لك عربيتي عشان كان معايا كارنيه المرور في الحظر، ولما جاني إيهاب قلت له غني الـ 3 كوبليهات دول وأنا هغني منها فقال لي هغني الكل وأنت اختار».

تابع مصطفى كامل: «عمري ما اشتغلت أنا والفنانة غادة ولا كنت أعرفها وجها لوجه، فالدكتور رضا رجب كان وكيل أول نقابة ولما خلصنا شغل قال لي غادة بتسلم عليك، فقلت لها تعالي عشان كنت عايو أقيس صوت العنصر النسائي مع الرجالي، وهي شاطرة وجات على طول وطلعت الأغنية وكسرت الدنيا».

أكمل مصطفى كامل: «الأغنية استجلت في يوم والغناء استغرق يوم، وطلعت العمرة يوم 9 وفي اليوم اللي بعده لقيت كل رجال الدولة بيباركوا لي، ومكنتش مصدق، وأقصى هدف لي كان أن الغنوة تتسمع، لكن تالت يوم في العمرة مبقتش عارف أعمل عمرة، وكانت بتعدي عليّ ستات ووالدتي جمبي فيقولوا لي هل دي الحاجة والدتك؟ فأقول لهم آه، يقولوا لها تسلم البطن اللي شالت».

أشار مصطفى كامل إلى أنه رغم كل الاضطهادات التي يواجهها من البعض بسبب الأغنية فإنه فخورا بها، مضيفا: «ما زلت فخورا إني أنا اللي عامل تسلم الأيادي ولن أندم على أي حرف جر فيها، أنت بتتشتم كفنان لمجرد إن الغنوة دي في حياتك، تخيل هي رمز قيم عن الناس اللي بتحتب بلدها، ووصمة عار عندهم، فلو هم بيوصمونا بالعار في الحتة دي فأنا فخور بالوصمة دي، لأن بلدنا لازم تفضل قائمة بالناس اللي واقفة على الحدود».

سر لجوء مصطفى كامل لـ دار الإفتاء قبل الترشح لرئاسة نقابة الموسيقيين.. فيديو

مصطفى كامل: هاني شاكر صديق عمري.. ووصلتني تهديدات بسبب الانتخابات.. فيديو