لينا صوفيا تكشف تفاصيل نجاتها من حادث سير: تروسيكل خبطني وكنت مرعوبة

كشفت الفنانة لينا صوفيا تفاصيل نجاتها من حادث سير، حيث اصطدمت بتروسيكل كان يستقله عدد من الأشخاص بينهم صغار.

أعربت لينا صوفيا عن استيائها بسبب خطورة الموقف، موجهة الشكر لكل من تعاون معها، وقالت في فيديو على حسابها الرسمي بموقع انستجرام: «تروسيكل خبطني وكان عليه ناس كتير أوي ومنهم أطفال».

وتابعت: «أنا عارفة أنهم مش عارفين خطورة اللي بيعملوه، يارب يكونوا اتعلموا من التجربة دي، بجد لو كان واحد فيهم حصله حاجة حتى لو بالغلط أنا بجد عمري ما كنت هسامح نفسي».

واستكملت لينا صوفيا: «الموضوع كان مرعب وأنا كنت مرعوبة وكان معايا مامتي، والحمدلله كل الناس وقفت معايا ومكنتش متخيلة أن اللي هيحصل أحسن من كده».

واختتمت: «كنت خايفة أبقى أنا اللي غلطانة ولكن ناس كتير وقفت معايا وقالوا لأ إحنا كنا واقفين وانتي مش غلطانة، الحمدلله وربنا بيفكرنا كل يوم أن ممكن أي حاجة تحصل في أي وقت فلازم نحمد ربنا على كل حاجة، وربنا ما يحكمش على حد بأي حاجة ولا يحط حد في اختبارات صعبة».