مجدي سعيد: الفنان لازم يكون عنده كبرياء.. ومينفعش يشتكي من قلة الشغل

تحدث الفنان مجدي سعيد عن سبب عدم حصوله على وضعه الفني، وعن عمله مع المخرج بيتر ميمي، كما تحدث مجدي سعيد عن الفنانين الذين يلجأون للسوشيال ميديا للشكوى من قلة العمل.

مجدي سعيد في برنامج بنت البلد

وقال الفنان مجدي سعيد في برنامج بنت البلد، الذي تقدمه الفنانة نشوى مصطفى في قناة صدى البلد، «فيه تقصير مني شوية وفي تقصير من المنظومة نفسها».

وتابع: «تقصيري في إني حابب الشغلانة فمينفعش اعمل أي حاجة دي نمرة واحد، نمرة اتنين إني اشتغلت مع العظماء زي عادل إمام وأحمد زكي ونور الشريف، وعلى مستوى المخرجين صلاح أبو سيف، إيناس الدغيدي وعاطف الطيب، نادر جلال، نيازي مصطفى، واسم أي مخرج له ثِفل وده كان ميزة ليا وكنت محظوظ لكن في نفس الوقت توابعها مش كويسة، لأن ده بيخلي الواحد عايز مستوى معين».

وأضاف مجدي سعيد: «مهم جدًا اني اشتغل مع حد عارفني وعارف امكانياتي مش عارفني شخصيًا، لأن كلهم مع احترامي ليهم معرفهمش، زي لما المخرج بيتر ميمي بعتلي مكنتش اعرفه لكن شغله والجزئين اللي كان عاملهم في الاختيار كنت شايفهم فمكنتش محتاج اسأل حد».

تعليق مجدي سعيد على شكوى الفنانين على السوشيال ميديا

واختتم حديثه قائلًا: «ضد كلمة كل عيش وخلاص وضد إن الفنان يقول معنديش شغل مع احترامي لكل زملائي، وبزعل جدًا، ما أنا قعدت خمس ست سنين بدون شغل، وأنا مش باشا ولا ناظر عزبة، أنا حد عادي جدًا وفنان قدير في مسرح الدولة وباخد معاش وبعيش بمعاشي».

واستكمل حديثه: «المفروض إن الفنان أصلًا كبرياء، وأنا زعلان ليهم لأن ممكن يشتغلوا أي حاجة لأن الشغل مش عيب لحد ما يعرفوا قيمتك، وتلاقي المسار اللي تلاقي نفسك فيه، والمفروض لما اشتكي اشتكي لنقابتي زي ما قال ما قال دكتور أشرف زكي».

نشوى مصطفى: الفنان هشام جمال تكفل بمساعدة حالة بعد تقديمها عبر برنامج «بنت البلد»

أحمد بدير لـ «صدى البلد» بعد حريق شقة ابنته:« بخير ولم تتعرض لأى إصابات»

أحمد زاهر يكشف لـ«صدي البلد» حقيقة قيادة ابنته ليلى سيارة دون رخصة

ماجد المصري لـ«صدى البلد»: «فيروس كورونا اتنقل لبنتي داليدا مني »

أحمد السجيني يشكر قناة صدي البلد.. «تبنت ملف التصالح بلسان المواطن».. فيديو