محاولة خطف فتاة بطريق السويس في الشروق والأمن يضبط المتهم

‏تمكنت الأجهزة الأمنية، بمديرية أمن القاهرة، من القبض على السائق المتهم بمحاولة خطف فتاة بطريق السويس في الشروق ما تسبب لها في إصابات عديدة نزيف داخلي كسور وسحجات وتم نقلها إلى المستشفى على أثر ذلك.

وتداول رواد منشورات لواقعة تعرض فتاة تدعى "حبيبة الشماع" لمحاولة اختطاف، حيث جاء علي لسان داليا الشماع ابنه عمها " انا بكتب الpost ده عشان احكي ليكم اللي حصل لبنت عمي عشان اولا عازاكم تدعلوها ربنا يشفيها و يرجعها لينا بالسلامة حالتها لسه في خطر"

واضافت " حبيبه فاقده الوعي و عندها نزيف في المخ مش بتوقف و محطوطة علي ventilator"، وتابعت " ثانيا خذو بالكم من نفسكم و من بناتكم الناس بقوا مؤذيين ربنا يبعد عنا شرور الناس وان حبيبة استقلت سيارة من التجمع الاول وكانت رايحه مصر الجديدة الساعة ٦:٥٠، مامتها كلمتها في التليفون ماكنتش سمعاها كويس عشان صوت الكاسيت كان عالي اوي و الراجل كان يتخانق فالتليفون حبيبه طلبت منه يوطي الكاسيت قالها لاء وكان يبرطم بالكلام مامتها ماكنتش سامعه هو بقول أيه قاتلها ماله ده حبيبه قالت لها مش عارفه ماله و قفلت بعدها".

وتابعت "أصحاب حبيبه كلموها يشوفها وصلت فين رد عليهم واحد قال لهم صاحبت التليفون دي وقعت من العربية، قعدت تتشقلب لحد مخبطت في الحاجز الاسمنتي اللي على طريق السويس ولما راح يسالها ايه اللي حصلك ، كان عاوز يخطفني و جالها تشنجات و فقدت الوعي".

واوضحت " انا معرفش حصل ايه يخوفها بالشكل ده ترمي نفسها و العربيه بتجري بس انا عارفه كويس ان حبيبه بتخاف علي نفسها و اكيد هو رعبها والسواق اختفي بعد ما وقعت ولا طلب إسعاف ولا وقفلها و قفل الموبيل، واختتمت " انا عاوزه اختي ترجعلنا ادعولنا انا عاوزه اجيب حقها ربنا ينتقم منه اشد انتقام".