محمد أنور عن مشاركته في مسلسل مناعة: عندي حاجات لسه الناس ماشفتهاش

أعرب الفنان محمد أنور عن سعادته بمشاركته في مسلسل مناعة، أمام الفنانة هند صبري ضمن موسم دراما رمضان 2026.

ويقدم محمد أنور في مسلسل مناعة بشخصية رزق، أحد شباب الباطنية في الثمانينيات ويعمل منجد وهو شاب فقير وفي خلال الأحداث يتعرض لموقف ويتغير به الحال.

محمد أنور في مسلسل مناعة

وتحدث عن تجربته بالعمل، في منشور عبر حسابه الرسمي بموقع فيس بوك، قائلًا: «من ساعة ما بدأت وأنا بسعى طول الوقت أعمل حاجات تبين إني ممثل أقدر أعمل كل حاجة وإن عندي حاجات كتير لسه الناس ماشفتهاش».

وتابع محمد أنور: «ساعات بتصيب وساعات بتخيب.. ساعات بعمل اللي السوق عاوزه وبنجح فيه نجاح كبير الحمدلله.. وكتير بحاول أعمل اللي أنا عاوزه واللي حبيت التمثيل عشانه وبيتقالي ساعتها بلاش ليه تغير طالما ربنا كرمك في الحتة دي ومطلوب وأنت من أهم الناس فيها».

أبطال مسلسل مناعة

واستكمل: «مش يمكن ربنا يكرمني أكتر في حتة تانية وأنجح أكتر!.. كل أما الواحد بيكبر بيتعلم أكتر وبيكسب خبرة أكبر والنجاح بيديني ثقه أكبر إني كل مرة أكسب حتة جديدة وأعمل كل اللي نفسي فيه واللي حبيت التمثيل عشانه».

تضم قائمة أبطال مسلسل مناعة كلًا من هند صبري، خالد سليم، مها نصار، رياض الخولي، أحمد خالد صالح، كريم قاسم، هدى الإتربي، وميمي جمال، أحمد الشامي، عماد صفوت، وآخرين، والعمل تأليف عمرو الدالي، وإخراج حسين المنباوي.