محمد التاجي يهاجم مطربة: أم كلثوم ماكنتش بتغني بالسهوكة دي

انتقد الفنان محمد التاجي أداء مطربة وتعاملها على المسرح، وهي تقدم أغاني للفنانة الراحلة أم كلثوم.

كتب محمد التاجي في منشور عبر حسابه الشخصي بموقع فيس بوك: «المطربة اللي بتطلع على المسرح بعد ما الأوركسترا بيبتدي عزف المقدمة الموسيقية للأغنية اللي هتغنيها».

وتابع: «كلمة في ودنك ده يعتبر عدم احترام للعازفين والمايسترو والملحن اللي تعب نفسه في تلحين الأغنية، ثم إن الست أم كلثوم كانت الستارة بتتفتح وهي قاعدة في وسط فرقتها عزوتها عبدالحليم فايزة وردة نجاة شادية كل الكبار مفيش حد فيهم عمل اللي بتعمليه ده».

واختتم محمد التاجي: «وحاجة تانية بطلي تغني أغاني الست أم كلثوم عشان أم كلثوم ماكنتش بتغني بالسهوكة اللي أنتي بتغني بيها أغانيها فبتبوظي كل العظمة اللي سابتهالنا في تراثها الفني العظيم وبتشوهيه».