محمد جمعة يكشف موقف صعب كاد يفقد ابنه بسببه وحمزة العيلي أنقذه

روى الفنان محمد جمعة تفاصيل موقف صعب وأزمة مالية كاد يفقد بسببها ابنه، ولكن ساعده الفنان حمزة العيلي.

قال محمد جمعة عبر تصريحات تلفزيونية: «قعدت أنا ومراتي 5 سنين منخلفش وكان الحل إننا نعمل حقن مجهري فالمشكلة بقى إن كان لازم مراتي تاخد كل يوم حقنتين تثبيت».

تصريحات محمد جمعة

وتابع: «طبعًا بعيدًا عن شقائها الحقنتين دول كانوا في اليوم بـ 250، بتدفع 250 جنيه لمدة تقريبا 6 شهور يوميًا، ربنا كان بيبعت وفجأة مراتي مفيش غير حقنة واحدة وأنا مفيش مليم وأنا من الناس اللي مبعرفش استلف».

واستكمل محمد جمعة حديثه: «عيطت عياط لا يمكن حد يتخيله لأن الأمل اللي بتحلم بيه بيضيع قدامك لأن أنت عاجز أنك توفر 250 جنيه عشان تجيب حقنة، اتصلت بصديق ليا اسمه الفنان حمزة العيلي معرفش إيه اللي خلاني أكلمه قلت له بص يا حمزة أنا الوضع كذا كذا وأنا حرفيًا دلوقتي مفيش في جيبي مليم».

محمد جمعة

موقف حمزة العيلي مع محمد جمعة

وأضاف ليكشف موقف حمزة العيلي معه، قائلًا: «قالي أنت فين كنت وقتها ساكن في حدايق الأهرام، قالي تعالالي دلوقتي حالا روحت له وفاكر عمري ما هنسى أخدت منه 1500 جنيه وإلى وقتنا هذا بقول لحمزة إنت ليك في عمر ابني، دا موقف مش بنساه ليه».

جائزة حمزة العيلي