محمد دياب: رفضت فيلم من توم هانكس.. وأصدقائي ظنوا أنني مختل أو كذاب

تحدث المخرج والمؤلف محمد دياب عن كواليس رفضه، عرض فيلم للنجم الأمريكي العالمي توم هانكس.

قال محمد دياب عبر تصريحات إذاعية، إنه تلقى عرضًا للمشاركة في مشروع سينمائي ضخم من بطولة وإنتاج النجم الأمريكي توم هانكس، إلا أنه قرر الاعتذار لعدم الاقتناع الكامل بفكرته.

سر رفض محمد دياب فيلم توم هانكس

واستكمل: «بفتكر أصدقائي اللي كنت بقول لهم على القهوة أو مع أصحابي الفنانين وأقولهم ده أنا جالي فيلم من توم هانكس ورفضت، طبعًا ده يا مختل يا كذاب، وأنا بعتبر نفسي مؤلف محترف ومخرج هاوي لازم أبقى بخرج حاجة فاهمها أوي، وعارف أنا بعمل إيه».

وأضاف محمد دياب: «لو جيت قولتلي هنعمل فيلم عن كائنات فضائية هعرف أعمله كمؤلف هقعد أفكر فيه، إنما إيه اللي حصل توم هانكس باعت لي مشروع هو اللي مألفه وهو البروديوسر وهو الممثل دي صعبة أوي».

تصريحات محمد دياب

واختتم: «الفيلم قريته لقيته بعيد عني بيتكلم عن الحرب العالمية الثانية في غواصة.. هو شافني وأنا عامل فيلم اشتباك في حتة ضيقة يبقى أنا هعرف أعمل في غواصة بس الفيلم محبتوش ولا تواصلت معاه إنسانيًا وأنا مش هاجي أنفذ عشان ميبقاش أنا اللي ضيعت توم هانكس».