محمد رجب: رفضت فيلم عبده موتة واتعالجت نفسيا

ياسمين حمادة 01 ابريل 2023 | 09:52 مساءً

كشف الفنان محمد رجب أسرار عن مسيرته الفنية موضحًا أنه أخذ قرارًا بعد تقديم دور الشرير، قائلًا: «أخذت قرار في فترة معملش أدوار فيها شر لأن كان كل الادوار اللي بتجيلي كده، وجالي كريم عبد العزيز حبيبي وعشرة عمري بنفس التجربة بتاعت الشرير معاه في فيلم الباشا تلميذ».

محمد رجب وكريم عبد العزيز

تابع محمد رجب في تصريحات تلفزيونية له: «قلت له مش قادر استحمل ردة فعل الناس فوقف جنبي في مشهد واحد أني اتصالح مع النجم في نهاية الفيلم وكان موقف لا أنساه له وعملت المشهد الأخير وبحضر عرض الفيلم لحد ما جاء الموقف لقيت الناس مسقفة».

وأضاف: «وهنا كان في بريق الأمل إن الناس تتقبلني في أي حاجة تانية وتعبت فترة لأن مكنش بيجيلي شغل لحد ما جاء لي دور مع النجمة يسرا وأمنت بموهبتي ودعمتني».

تصريحات محمد رجب

أعلن محمد رجب رفضه تجسيد شخصية أي من نجوم زمن الفن الجميل، معلقًا: «مش بفضل أجسد شخصية حد والتجارب اللي زي دي بحس إنها تحتاج بذل مجهود كبير».

وقال الفنان محمد رجب أيضًا: «ممكن أكتب مذكراتي في يوم من الأيام وأنا فخور بنفسي، وعمري ما انتقدت فيلم عبده موته وبحب محمد رمضان والفيلم كان تأليف صديق ليا وعشرة عمري وهو محمد سمير مبروك ويجمعنا تاريخ قديم وكان أول تجربة له».

محمد رجب فيلم عبده موتة

وأكد أن فيلم عبده موتة عُرضَ عليه ولكنه لم يكن يناسبه، قائلًا: «عرض عليا الفيلم ومكنش اختياري ومكنش مناسبني لا هو حلو ولا وحش، والمؤلف قدم الفيلم لشركة أحمد السبكي ورشحوا محمد رمضان وأنا احترمه واحترم فنه ونجاحه وإصراره».

وفيما يخص حقيقة ذهابه لطبيب نفسي، قال محمد رجب: «كلنا تعبانين نفسيًا والحياة فيها حاجات كتير يخليك في تناقض وغيره، ووصلت لمرحلة المرض النفسي وأنا اللي عالجت نفسي، ومش بكره الستات ولا أرفض أخد منهم أوامر وبحب الستات بداية من احترامي لأمي ومين غبي يكره الستات».

واختتم محمد رجب حديثه: «وكل الحكاية أن أول تعيين ليا كنت عرفت أن مديرتي ست فرفضت التعيين وحسيت أن مستقبليًا ممكن يحصل حاجة تعمل مشاحنات ومشاكل وشخصيتي وقتها يمكن مكنش عندي استعداد وقتها لكن العقدة اتحلت».

محمد رجب