محمد رضوان يكشف ذكريات شخصية حلقوم في يوميات ونيس.. ومفاجأة موضوع عائلي
![صور](https://i0.wp.com/cdn.elbaladtv.net/wp-content/uploads/2023/02/محمد-رضوان-في-مسلسل-بابا-المجال.jpg?resize=250,150&ssl=1)
تحدث الفنان محمد رضوان عن ذكريات مشاركته في مسلسل يوميات ونيس بشخصية «حلقوم»، موضحًا أنه تم ترشيحه من قبل الفنان محمد صبحي.
قال محمد رضوان في تصريحات تلفزيونية له: «كنا في المرحلة اللي الأستاذ محمد صبحي والأستاذ لينين الرملي مكنوش على وفاق وهو كان بيعمل مسرحية ماما أمريكا في مسرح قصر النيل وأنا معدي بالصدفة».
محمد رضوان في يوميات ونيس
وتابع: «لقيت زمايلنا بتوع الديكور وقالولي خش سلم على الأستاذ وقالي أنت بتعمل إيه دلوقتي، قلتله أنا في المسرح القومي بس حاليًا مش بشتغل قالي طيب أنا عايزك علشان هعمل مهرجان المسرح للجميع.. بعد أسبوع لقيته باعتلي دور حلقوم وهو كان في الجزء الخامس من يوميات ونيس».واستكمل الفنان محمد رضوان حديثه عن شخصية حلقوم: «وكان عايز يتجوز واحدة من أخوات زكريا وهو شخص موظف وبيقبض 150 جنيه في الشهر ومش معاه أي فلوس علشان يتجوز بس عايز يتجوز ويعيش حياته، هو كان قاتم شوية ومش بيحب لا المزيكا ولا الشربات وكل ما تقوله حاجة يقولها همشي والشخصية كانت واخدة الكوميديا من الجدية وفضلت الشخصية لغاية آخر الأجزاء».
محمد رضوان
تصريحات محمد رضوان
وتحدث أيضًا عن الأعمال التي شارك بها، قائلًا: «قدمت شخصية الشيخ رشوان في مسلسل بدون ذكر أسماء، بعدها تامر محسن كلمني لمسلسل هذا المساء وقالي الدور مش كبير بس مهم في الأحداث.. يمكن ربنا يكون عايز إني اتعرف بشكلي الحالي بعد ما كبرت والناس حابة التركيبة دي دلوقتي لأنه بيمثل الأب في كل أسرة».وفيما يخص مشاركته في مسلسل موضوع عائلي، قال الفنان محمد رضوان: «دوري في موضوع عائلي طبطبة من ربنا عليّ، كان في ممثل تاني هيعمله بس اختلف معاهم في وجهات النظر أو على الأجر مش عارف ثم لقيت المخرج أحمد الجندي طالب يقابلني وأنا مكنتش قابلته قبل كدة وقعدنا نتكلم كتير في مواضيع مختلفة ورأيه في الحاجات اللي شافهالي ووجهات نظرنا في الكوميديا وفي الآخر قالي خلاص هتعمل معايا الدور».
محمد رضوان مسلسل موضوع عائلي
وقال الفنان محمد رضوان عن تعاونه مع المخرج أحمد الجندي: «بيعمل حاجة جميلة وهي أننا نقرأ المشاهد ونعمل بروفات الترابيزة جوة الديكور اللي هنصور فيه، فبنبقى تعايشنا مع مكان التصوير، وسماء إبراهيم من أول لحظة كنت مصدق إنها زينب مراتي والولاد ولادي وده بيتنا».واختتم: «الناس كانوا شايفين أن موضوع عائلي أيقونة وأنا شايفه فاتحة الخير عليّ في كل حاجة والكل بقى بيطلبني في شغل معاهم علشان بقيت محبوب».
محمد رضوان