محمد سامي :«صعب كنت أنجح في شغلي من غير مساندة مي ليا»

بصورة عمرها 11 عاماً، نشر المخرج محمد سامي صورة تجمعه بالفنانة مي عمر، عبر حسابه الشخصي على موقع تبادل الصور والفيديوهات «انستجرام.

وعلق «سامي» على الصورة قائلاً، «دى صورة ليا أنا و مى من ١١ سنة، كنا بنفكر فأحلامنا ومستقبلنا وبنتمنى حاجات كتير ربنا ادانا أكتر منها كمان، عشان حاجة مهمة بعد كرمه و عطاءه، عشان بجد بنحب بعض وبنساعد بعض طول الوقت في تحقيق أحلامنا».

وأضاف، «بيتهيألي اني صعب كنت أنجح فى شغلي من غير دعم و مساندة مى ليا طول الوقت، الدعم ده حاجات كتير قوى محتاجة مليون بوست عشان تتكتب كلها، والنهاردة أنا و هي بنحتفل بنجاحها اللي تعبت فيه واشتغلت عشانه كتير و وفقت بصعوبه بين بيتها اللي مخلياه جنه ليا أنا و بناتي و بين أهلها و حياتها و شغلها».

وتابع، «في الاخر نجحت نجاح كبير يفرح بيها كل محب و يثير غيرة و حقد الكارهين ، مبروك حبيبتي و بنتي و مراتي الغالية، و دايما ناجحة و متفوقه ، و تحيه لكل ست ناجحه و عارفه توصل لنجاحها رغم واجبتها تجاه أسرته».

يذكر أن المخرج محمد سامي تعرض لكثير من الانتقادات مؤخراً بعد مساندته لزوجته الفنانة مي عمر خلال مسلسل «لؤلؤ»، والذي انتهي من عرض حلقاته منذ يومين على أحد القنوات الفضائية .

محمد سامي يكشف كواليس مسلسل «نسل الأغراب» .. صورة

محمد سامي يظهر مع السقا وكرارة في اليوم الأول من تصوير «نسل الأغراب»