محمود حمدان يروي موقف لأحمد آدم قبل 18 عاما: كان مغرور وطردني

روى السيناريست محمود حمدان تفاصيل موقف جمعه بالفنان أحمد آدم قبل 18 عامًا، عندما كان في بداية مشواره الفني.

كتب محمود حمدان في منشور عبر حسابه الشخصي بموقع فيس بوك: «سنة 2007 أخدنا الدكتور جلال الشرقاوي علشان نمثل في مسرحية لأحمد آدم، كنا مجموعة من شباب أكاديمية الفنون ولسه في بداية طريقنا، أحمد آدم كان مغرور ومتعالي بشكل غريب، وكنا قبل العرض بيوم وبنعمل بروفة جنرال».

موقف أحمد آدم مع محمود حمدان

وتابع: «دخلت أعمل دوري ومن حظي السئ إن اللي كانوا قاعدين في الصالة ضحكوا، أحمد آدم وقف البروفة وقدام كل الناس سمعني أسوأ كلام يقوله فنان محترف لشاب لسه بيشق طريقه (أنت هتاخد فرصتك بس مش معايا مع حد تاني، تقف مكانك متتكلمش) ولم يكتفي بذلك».

واستكمل محمود حمدان: «قالي مش هتشتغل يلا أمشي.. خرجت من المسرح والدموع مكتومة جوايا، وأصحابي بيحاولوا يواسوني (مصطفى أبو سريع، وحسني شتا، وإبراهيم السمان، ومحمد العمروسي)، روحت صليت ودعيت على أحمد آدم وأنا منهار من البكاء».

تصريحات الكاتب محمود حمدان

واختتم: «ومن 5 سنين كلمني منتج صديقي علشان أكتب فيلم لآدم وقولتله لو هتديني 100 مليون مش هكتبله، الآن بدعيله ربنا يفك كربه ويسامحه ويكرمه، وأنا مسامح».