مروة عبد المنعم: إفراج نهائي من الباروكة بعد دوامة نفسية سيئة

تحدثت الفنانة مروة عبد المنعم عن أزمتها النفسية الأخيرة، وسر ارتدائها باروكة مما عرضها للتنمر.

كتبت مروة عبد المنعم في منشور عبر حسابها الرسمي بموقع فيس بوك: «وأخيرًا إفراج نهائي من الباروكة..

بعد دوامة نفسية سيئة جدًا دخلت فيها.. وصلتني لـ 70 كيلو وسقوط شعري بالشكل ده».

أزمة نفسية لـ مروة عبد المنعم

وتابعت: «اضطريت ألبس فيها الباروكة.. وواحدة واحدة بدأت أفوق بفضل ربنا وأرجع لوزني وشكلي.. لكن فضل شعري في الأزمة وطبعًا هو ماتعالجش بنسبة 100% بس أخدت الأمر بالإفراج عنه وتكملة العلاج عادي..

أنا كان فيه ناس كتير بتقعد تقولي إنتي لابسه باروكة ليه شكلك مش حلو فيها».

واستكملت مروة عبد المنعم: «بس مكنتش عايزة أقول وقتها ولا عايزه أتكلم.. بس كان الكلام بيوجعني قوي ويزعلني على نفسي جدًا.. الخلاصة يا جماعة محدش ينقد حد على شكله.. محدش عارف جوه الكواليس فيه إيه.. بلاش نقد وتعليقات.. دلوقتي لأنا أقدر أقول وأتكلم ولا أخجل».

مروة عبد المنعم

تصريحات مروة عبد المنعم

وأضافت: «أنا مريت بأزمة نفسية كانت صعبة عليّ جدًا.. عمري ما كنت أتخيل أن الوجع النفسي ممكن يدمر بالشكل ده.. لحد ماعشته وجربته بس اللي كان بيوجع أكتر هو تدخل الناس في شكلي ولبسي للباروكة.. أنا عايزة أقولكم أنا أكتر إنسانة في الدنيا لا ليا في ميك اب ولا باروكة ولا أي حاجة صناعي».

واختتمت مروة عبد المنعم: «وكون فكرة إني أربط حياتي بباروكة كنت بتخنق وبموت منها.. فمكنش ناقص تعليقات كمان.. دلوقتي أقدر أقول لكل الناس اللي قالتلي إنتي لابسة باروكة ليه.. اتفضلوا حضراتكم الصورة تتحدث عن نفسها».

أزمة نفسية لـ مروة عبد المنعم

مروة عبد المنعم