مسلم يرد بغضب على منتقدي بدلته: زهقت وكفاية قرف

لم يكد يمر يومان على حفل زفافه، حتى خرج المغني الشاب مسلم عن صمته، ليرد بغضب واستياء على الانتقادات والسخرية التي طالت بدلة زفافه، وكذلك على تحويل البعض تفاصيل حياته الشخصية إلى "محتوى" عبر منصات التواصل الاجتماعي.

وجه مسلم رسالة فيديو نشرها عبر خاصية "الستوري" على حسابه الرسمي بموقع "إنستجرام"، وقال: "مش خلاص كفاية ولا إيه الدنيا؟ مش ما زهقتش؟ أنا شخصيًا صاحب الفرح وزهقت!".

وأبدى مسلم انزعاجه الشديد من تكرار التعليقات حول بدلته، قائلاً: "كل شوية أما أقلب على تيك توك كل خمس دقايق: "مش عارف إيه؟ إنتوا عاملين إيه؟ إيه البادي (البدلة) ومش عارف إيه؟، ما خلاص يا عمتي خليكي في حالك، مش عايزين رأيك. رأيك بالنسبة لي يعني مش فارق لي أصلاً، ما بيعديش عليا، يعني مش هياخد عندي حيز وهقعد أفكر فيه".

كما انتقد مسلم ظاهرة "ركوب التريند" واستغلال أي حدث شخصي للفنانين بهدف لفت الانتباه، مؤكداً أنه ليس بحاجة لمثل هذه الضجة المصطنعة: "كفاية قرف وكفاية أي ركوب على التريند، كفاية بجد يا جماعة أنا الموضوع ده بالنسبة لي ما كنتش آخده تريند، أنا طول عمري الحمد لله بعمل فرح، بعمل خطوبتي، من خطوبتي اللي فاتت وأنا الدنيا تريند، مش محتاج إن أنا أعمل تريند".

واختتم مسلم حديثه بالتعبير عن قرفه من هذه التصرفات، قائلاً: "بس بجد بشوف الحاجات دي بقرف، إنت بتطلع تشتمني وبتطلع تغلط وبتطلع عايز تركب أي حاجة وخلاص عشان الناس تقولك إيه ده أنت عندك حق، لا أنت جامد، لا بجد الواد ده كينج، خلاص كفاية بقى، كفاية."

وكان مسلم قد احتفل بزفافه قبل يومين في حفل حضره عدد من نجوم الفن والمجتمع، إلا أن بدلته أثارت جدلاً واسعاً بين رواد مواقع التواصل الاجتماعي.