مصطفى أبو سريع: مشهد أغنية «ياقمر لو في اتنين منك» كان اقتراحي

تحدث الفنان مصطفى أبو سريع عن كواليس تعاونه مع الفنان أحمد حاتم في مسلسل «عمر أفندي»، حيث كانت تجمعهما مشاهد كثيرة ضمن أحداث المسلسل خلال فترة عام 1943.

وأشار مصطفى أبو سريع في تصريحات إذاعية، إلى أن كواليس تعاونه مع الفنان أحمد حاتم كانت ممتعة ومميزة، قائلاً: «أحمد حاتم من الأشخاص المريحة جدًا نفسيًا وإنسانيًا، وشخص الواحد يحب يعرفه في حياته، أنا اشتغلت معاه قبل كده بفيلم 'الهرم الرابع' والحمد لله كان ناجح جدًا وأصبح في تفاهم وكمياء كبيرة بينا، ولما بنقعد للتحضيرات بلاقي إني مشاهدي معاه مش تمثيل بنبقى على طبيعتنا أكتر».

وأضاف مصطفى أبو سريع، قائلاً: «أحمد حاتم تم تشبيهه على السوشيال ميديا، بالطرحة السوداء بتليق على أي ممثلة، وده تشبيه جيد، وبالنسبة للممثلين أحمد زي الكاب الأسود بيليق على أي ممثل».

مشهد أغنية عمرو دياب «يا قمر لو في اتنين منك»

وكشف مصطفى أبو سريع، أن مشهد أغنية عمرو دياب «يا قمر لو في 2 منك»، لم يكن مكتوبًا في سيناريو مسلسل عمر أفندي، قائلاً: «فكرة المشهد كانت ازي دياسطي يحب وهو معندوش تجارب في الحب، وكان المشهد مبني على فكرة اللمبي، وكنت عايز أنوه عليها، وكنت حابب إن أحمد يتكلم، باعتبار إنه جايلنا من عصر فيه تفاصيل كثيرة ينفع يستخدمها في العصر بتاعنا لأنها بالنسبة لنا جديدة جدًا».

وأوضح مصطفى أبو سريع قائلاً: «واستوحينا المشهد من فكرة قول اللي أنا هقوله، فكانت الفكرة في كلام حب عادي، فأنا اقترحت إنها تكون أغنية لـ عمرو دياب، عشان يبقى الموضوع لطيف، فاقترحنا إنها تبقى أغنية 'يا قمر لو في اتنين منك'، عشان الكلمات مش هتبقى مناسبة لفكر دياسطي، لأن يا قمر لو في اتنين منك هيبقوا اتنين قمرات، ماشي ما ده طبيعي مفيش حاجة جديدة حصلت .. وعشان كده عمر قال ازاي عدت علينا دي».