مصطفى درويش يكشف أزمة تشابه اسمه مع الفنان الراحل: افتكروني أنا في وفاته

تحدث الفنان مصطفى درويش عن الأزمة التي كان يقع بها بسبب تشابه اسمه مع الفنان الراحل مصطفى درويش، وكيف تلقى خبر وفاته.

مصطفى درويش يكشف أزمة تشابه اسمه مع الفنان الراحل

قال الفنان مصطفى درويش في تصريحات تلفزيونية: 'الأزمة أو المشكلة دي حصلت سنه 2014، كنت بعمل مسلسل مع استاذ نادر جلال اسمه العقرب وبعدين فجأة لقيت نفسي مكتوب في التتر مرتين مرة في تتر البداية مصطفى درويش وصورتي ومرة تانية اشترك في التمثيل مصطفى درويش في تتر النهاية كلما المنتج في التليفون قلتلوا انت حاطتتني في التتر مرتين، أنت حابين اوي كده قالي لا ده ممثل تاني اسمه مصطفى درويش'.

وتابع: 'قولتلوا طب هو دا ينفع ده كده يبقي في اختلاط في لحكاية وجبت رقمه وكلمته قالي يا استاذ أنا بحبك قلتلوا وانا كمان يا حبيبي بحبك مفيش حاجه بس انا بقولك ده هيعمل مشاكل وبعد فترة الناس بدأت تبعتلي اوردرات مش بتاعتي مرة روحت ٣ شركات اقولهم باعتنلي ده ليه يقولولي معلش ده مش ليك أنت بعد فترة جالي من الضرائب إخطار بحاجات أنا معملتهاش فأقولهم يا جماعه معملتش الأعمال دي يقولولي لا اقولهم مش أنا'.

واستكمل حديثه: 'في الاخر اشتكيت للنقابة والنقابة بعتتلو ومضي إقرار أنه هيغير الاسم يخليه مصطفى حسين درويش فمحصلش فاشتكيت تاني لاشرف ذكي لحد من سنتين دكتور اشرف حابه وجه مصطفى الله يرحمه بكل حب اتقابلنا في نادي النقابة وطلع مصطفى اتكلم وقال أنا آسف والأزمة اتحلت قبل ما يتوفى بسنتين'.

وكشف مصطفى درويش الخسائر التي حدثت بسبب هذه الأزمة، وقال: 'الموضوع ده فرق معايا على مستوى الشغل مرة كلمت مخرج قالي واحشني قلتلوا طب مبتجبنسش ليه قالي أنا طلبتك وقالولي دا شغال في كذا قولتلو أنا قاعد في البيت فاتضح أن مصطفى كان بدأ ينتشر والناس افتكرتني أنا وبعدين اوردراته كانت بتجيلي'.

مصطفى درويش يكشف لحظة سماعه بخبر الوفاة

وعن لحظة سماعة خبر وفاة مصطفى درويش، قال الفنان: 'لما سمعت خبر وفاة الفنان مصطفى درويش اتاخدت وكلمت الدكتور أشرف زكي وفي ناس كانت بتكلمني مش عارفة مين فينا ويقولولي انت ازيك انت كويس اقولهم اة كويس فيه إيه يقولولي طيب وميقولوش حاجه'.

وأردف: 'لاقيت الدكتور أشرف زكي بيكلمني في التليفون بيقولي انت عرفت اللي حصل قولتلو اي قالي حصل كذا قلتلو لا اله الا الله امتى قالي من شوية وانا رايح دلوقت على الجنازة'.

وواصل: 'كنت قاعد في صدمة رغم أننا مكناش اصدقاء لما قريت منه لقيت أنه كان حد طيب اوي اوي ومحترم وكان عايز يرضي كل الناس اللي حوالين ويحاول بقدر الإمكان يبقي محبوب'.