مصطفى شعبان يكشف موقفه من المشاهد الجريئة

تحدث النجم مصطفى شعبان عن تقديم المشاهد الجريئة في أعماله الفنية، مشيرا إلى أنه يحترم جمهوره ويضعهم في عين اعتباره.

مصطفى شعبان والمشاهد الجريئة

قال مصطفى شعبان في تصريحات تلفزيونية": "المشاهد الجريئة من عدمها ليها علاقة بالجمهور، الجرأة نسبية في جرأة مش بتناسب شهر رمضان في جرأة تناسب السينما".

وتابع: "في رمضان في مفردات محبش أنها تتقال في المسلسلات، لكن ممكن تنفع في أعمال بتتعرض برا الموسم وعلى أبليكيشن ومحددة السن اللي يتفرج أو في السينما المشاهد هو بيقطع تذكرة ومسئول عن اللي بيسمعه، لكن المشاهد في رمضان بياكل قطايف وعايز يتفرج على حاجة مسلية".

تصريحات مصطفى شعبان

واستكمل مصطفى شعبان حديثه وقال: "مكنش فيه مفردات خارجة هو كان فيه حالة جريئة وكانت تجربة نجحت وليها ناسها، وكان ساعتها أتعمل سنة 2012 كانت تناسب وقتها، يعني يمكن دلوقتي مش هتكون مناسبة، فترة 2012 و2013 فترة فيها متاهة شوية والناس مش محددة بوصلة، وأظن المسلسل عدى في الوقت ده".

وأضاف مصطفى شعبان: "أنا حتى في الأفلام بضع في اعتباري الأسر والمحجبات، مقدمتش حاجة خارجة لكن أنا مش ضد أن يكون في حاجة جريئة لو مناسبة للدراما".