مصطفى قمر يكشف سبب انتقادات طارق الشناوي له.. «الحب الأول» كلمة السر

رد الفنان مصطفى قمر بطل فيلم أولاد حريم كريم على الانتقادات، التي وجهها الناقد الفني طارق الشناوي، والتي أثارت ضجة واسعة خلال الأيام الماضية.

قال الفنان مصطفى قمر في رده على الناقد طارق الشناوي، من خلال تصريحات تلفزيونية له: «هو ينقد براحته لكن يقول بقى يتكلم عني كمطرب وسط النقد بتاعه.. يقول مصطفى قمر مطرب فاشل ازاي يعني ازاي؟».

مصطفى قمر يرد على انتقادات طارق الشناوي

وتابع: «ما تستقيم بقى بعد 35 سنة نجاح وأغاني 22 ألبوم و12 فيلم.. حفلات جوا مصر وبرا مصر.. يعني ازاي النهاردة تسمح لنفسك تقول كلمة زي دي.. وبعدين هو بيكلمني وكأن أنا عجوز يعني أنا اصغر واحد في جيلي».

واستكمل الفنان مصطفى قمر بطل فيلم أولاد حريم كريم، قائلًا: «وبعدين بيقول عليا قديم طب أنا اللي قديم، طب نحط صورتنا إحنا الاتنين جنب بعض.. بالذمة مين اللي قديم فينا في كل تفاصيل الحياة.. مين اللي قديم بصراحة حاجة تضحك.. هو يقدر يقول اللي هو عايزه بس ما يغلطش وهيبان على فكرة هيبان إن كان هو مستقصد العمل أو مش مستقصد العمل».

بشرى ومصطفى قمر

مصطفى قمر فيلم أولاد حريم كريم

وأضاف: «بينقد وما شاف الفيلم حاجة غريبة أول مرة أشوفها في حياتي.. وبعدين بيقول حاجة غريبة بيقول الفيلم لا يمت للسينما يا نهار أسود ما فيهوش سينما؟!.. أومال الأستاذ علي إدريس بيعمل إيه بيبيع كفته؟».

كما كشف بطل العمل أن انتقادات طارق الشناوي، سببها موقف شخصي قديم، معلقًا: «هو من أيام فيلم الحب الأول وهو بينتقدني إحنا كنا اتقابلنا بموقف ما ومش عارف إيه وشكله كده إيه؟.. اتقمص مني.. من ساعتها بقى فضل طول الوقت يطلع يتكلم عن مصطفى قمر.. وبعدين هو ما ينفعش يقيمني كمطرب لأن هو ما درس مزيكا أنا دارس مزيكا في الكونسرفتوار مثلاً، دارس كلاسيك جيتار ودارس صولفيج وراجل بلحن وموسيقي وبلعب جيتار».

وقال الفنان مصطفى قمر أيضًا: «كل اللي طلع ومافهمش الموضوع وما قرأه وطلب مني اعتذر له.. لأ هما كلهم مدينين لي بالاعتذار.. طارق الشناوي مدين ليا بالاعتذار وناس تانية طلعت على التلفزيونات مش عايز أقول أسمائها.. لأن إن أنا الحاجات دي أنا رح أمشي في إجراءات قانونية».

مصطفى قمر فيلم أولاد حريم كريم

طارق الشناوي وأبطال فيلم أولاد حريم كريم