مصطفى هريدي: قبل دخولي مجال التمثيل كنت فاتح محل أدوات منزلية

كشف الفنان مصطفى هريدي عن الوظيفة الأخرى التي امتهنها قبل دخوله مجال التمثيل، مشيرًا إلى أنه دخل مجال التمثيل بالصدفة.

مصطفى هريدي يتحدث عن مهنته الأولى

قال مصطفى هريدي، في تصريحات تلفزيونية: 'أيام الجامعة وقبل التمثيل اشتغلت في التجارة وكنت فاتح محل بتاع أدوات منزلية، وكان معايا قرش، ودخلت التمثيل سنة 2002، والتمثيل مكنش في دماغي، وأول عمل في حياتي كان مع الزعيم عادل إمام في فيلم التجربة الدنماركية'.

وأضاف: 'كنت من المتفوقين في لغاية إبتدائي ومن بعد الإبتدائي التفوق قل شوية، وأنا بدأت مصروف من وقت ما كان 10 ساغ الزرقاء، ولما كبرت شوية كان ربع جنيه، وعلى بداية ثانوي كنت باخد مصروف جنيه'.

واستكمل حديثه: 'الإعجاب دايمًا كان بيبقى من طرف واحد وكنت ببقى معجب بأجمل بنت في الفصل، وهي معجبة بيا ولا لأ مش مشكلة، لكن أنا بحبها'.

تصريحات مصطفى هريدي

تحدث الفنان مصطفى هريدي عن الملابس التي اصبحت منتشرة في الوقت الحالي والتي تختلف عن زمانه كثيرًا، معربًا عن استيائه بسبب موضة هذه الملابس.

قال مصطفى هريدي، في تصريحات تلفزيونية: 'الصدمات بتعدي بالنتفيض وتريح الدماغ، والدنيا ماشية والماديات مش كل حاجة، أنا رامي حمولي على ربنا، وربنا ساترها معايا طول ما أهلي في ضهري، بتعرفي في حياتك ناس كتير ومينفعش تقولي عليهم كلهم أصحاب، الحقيقين والثابتين هما بس اللي يتقال عليهم أصحاب، واللي ببدأ بيهم حياتي'.

وتطرق الحديث عن موضة الملابس الجديدة، وقال مصطفى هريدي: 'أنا مبقتش أعرف أدخل اشتري بنطالون جينز، البناطيل اللي موجودة دلوقتي مش بتاعتنا، أنا فاكر زمان كان أبويا ياخدني عند الترزي ويفصلي القماش الصوف بالكسرة الكلاسيك، حتى البنطلون الجينز دلوقتي مش زي بتاع زمان'.

واستكمل حديثه، وقال: 'دلوقتي بيبقى ساقط والبوكسر باين وملزق وشبه البنطلون الاسترتش، الموضوع اختلف عن زمان، والبنات مبتبصش على ده ومبتحسش أن فيه رجولة'.