معروف إن الحما هي اللي تضرب مرات ابنها مش العكس.. ابن سيدة الشرقية يدافع عن أمه: ست كبيرة

كشف على ابن سيدة الشرقية، المعتدى عليها من قبل زوجته صاحبة الفيديو الشهير، عن شعوره بعد نشر الفيديو، موضحا أنه تعبان نفسيا لأن اللى اضربت والدتى واللى عملت كده مراتى وبنتي ظهرت فى الفيديو'.

معربا عن استياءه 'مش راضى بالموقف اللى أنا فى ونفسيتى مدمرة، والناس خدوا الموضوع ضحك وهزار، وأنا تعبان جدا من الموضوع محدش حاسس بحاجة'.

وأضاف علي خلال حواره مع الإعلامية نهال طايل ببرنامج “تفاصيل” المذاع عبر قناة “صدى البلد2”، 'أن الناس فهمت والدته خطأ بعد تصريحاتها قائلا: 'والدتى كان قصدها إن الحما هى اللى ممكن تزعق أو تضرب مرات ابنها، وقالت الكلمة دى على الفطرة ماكنتش تقصد حاجة بها والناس تحاملت عليها جامد'.

وأوضح علي خلال حواره، أنه عقب الواقعة قامت والدته بإرسال الفيديو له قرر الرجوع من السفر فورا.

وأكد علي أن والدته سيدة مكافحة، وكانت تعامل زوجته كأبنة من بناتها، نافيا ما قالته أسرة زوجته أنه كان يتم معاملة أبنتهم معاملة سيئة، متابعا مراتى عندها 20 سنة فرق بينها وبين والدتى أكتر من 30 سنة ماكنش ينفع تعمل معاها كده.

وتابع: 'حاولنا نعمل قعدة عرفية ورجعت من السفرعشان كده الموضوع يهمنى والدتى مراتى وبنتى، الناس طلعت عليا كلام كتير'.

وعن التصالح أوضح، أن والد زوجته تواصل مع خاله من أجل حل الموضوع، بقعدة عرفية، حسب تقاليد القرية، موضحا قبل ماتم القعدة بنمضى شيك على بياض من قبل الطرفين، وحمايا رفض يقعد وقال بنتى مش غلطانة، ومش هقعد'.