معلومات عن الفنان تامر ضيائي بعد وفاته.. أنهى مسيرته مع نيللي كريم وترك وصية مؤثرة

صدم الوسط الفني خبر وفاة الفنان تامر ضيائي منذ قليل في نفس يوم وفاة السيناريست شريف بدر الدين، يوم الأربعاء 17 يوليو 2024.

ويرصد موقع قناة صدى البلد أبرز المعلومات عن الفنان تامر ضيائي، بعد وفاته إثر تعرضه لجلطة وخضوعه لعملية جراحية في القلب قبل أشهر.

معلومات عن الفنان تامر ضيائي

• بدأ تامر ضيائي مسيرته الفنية بالتمثيل في مسرح الجامعة ثم قصور الثقافة المصرية.
• قابل المخرج فهمي الخولي واشترك معه في تقديم مسرحيات عدة على مسرح الدولة.
• ثم شارك تامر ضيائي مع المخرج سمير عصفوري بعض ورش التمثيل.
• كانت بدايته الحقيقية بمسلسل أنا وهؤلاء.
• رصيده الفني يتخطى الـ 60 عمل بين السينما والمسرح والدراما.
• أول أعماله مسلسل أوراق مصرية الجزء الثالث عام 2004، وفيلم واحد من الناس عام 2006، وفيلم حليم عام 2006، ومسلسل راجل و6 ستات عام 2006، وسيت كوم جراج عام 2006، وفيلم كشف حساب عام 2007، وفيلم قص ولصق عام 2007 وفيلم أنا مش معاهم عام 2007، ومسلسل أحلامك أوامر عام 2007، ومسلسل هيمة أيام الضحك والدموع عام 2008، وفيلم رامي الاعتصامي عام 2008، وفيلم حبيبي نائمًا عام 2008، سيت كوم بدر وبدرية عام 2010 ومسلسل الجماعة عام 2010، ومسلسل الزناتي مجاهد عام 2011، ومسلسل رقم مجهول عام 2012، ومسلسل الهروب عام 2012، ومسلسل اسم مؤقت عام 2013، ومسلسل صاحب السعادة عام 2014، ومسلسل الصياد عام 2014، ومسلسل الإكسلانس عام 2014، ومسلسل وش تاني عام 2014، ومسلسل لعبة إبليس عام 2015، ومسلسل نصيبي وقسمتك عام 2016، وفيلم خانة اليك عام 2016، ومسلسل الخروج عام 2016، ومسلسل هربانة منها عام 2017، ومسلسل أبو العروسة عام 2017، ومسلسل رماد عام 2018، ومسلسل زلزال عام 2018، ومسلسل بركة عام 2019، ومسلسل أفراح إبليس الجزء الثاني عام 2019، ومسلسل النهاية عام 2020، ومسلسل قصر النيل عام 2021، ومسلسل إلا أنا الجزء الثاني عام 2021، ومسلسل عملة نادرة عام 2023.
• آخر أعمال تامر ضيائي مشاركته ضمن موسم دراما رمضان 2023 بمسلسل فراولة مع الفنانة نيللي كريم.

وصية الفنان تامر ضيائي

كان قد كتب الفنان تامر ضيائي وصيته عبر حسابه بموقع التواصل الاجتماعي فيسبوك، قبل الوفاة بحوالي شهرين أي في مايو 2024.

وجاء في وصيته: «بوست الوصية ده هيفضل باين على صفحتي لحد ما أموت.. الحقيقة إللي كلنا عارفينها ومتأكدين منها إننا كلنا ربنا كتبلنا إننا نموت في ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد'.

واستكمل: 'دي وصيتي صلاة الجنازة أهم من العزاء، وهى اللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل، من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه'.

وأضاف تامر ضيائي: 'بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة، دى نقطة مهمه اوى بالنسبة ليا.. محدش يقول لحد بتعيط عليه لية، ومتعيطش عشان هو بيتعذب!! الكلام دة غلط، سيبوهم يعيطوا لحد ما يطلعوا كل الشعور اللى عندهم ومفيش حاجه بتقول إن العياط معناه عدم رضا بقضاء ربنا 'وأبيضت عيناه من الحزن فهو كظيم'.

واختتم حديثه، قائلًا: 'أهم حاجة تانى هى الدعاء وبس والصدقة، من فضلكم تكثفوا الدعاء وقت نزول القبر وتتصدقوا بأى حاجه بنية إن ربنا يجعل قبرى روضه من رياض الجنه ويثبتنى عند السؤال لأن ده أهم وقت ليا وياريت كمان بعد ما تدفنونى تقعدوا معايا شوية ومتستعجلوش تمشوا عشان تونسونى فى ليلة زى دى، الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تانى، اللي بيحبوني يدعولى كتير عشان لو مفيش حد يدعيلى، ودى مهمة أوى أوى أوى عاوز الكل يسامحني علي اي حاجه عملتها فيه بقصد لو يدون قصد'.

الفنان تامر ضيائي

وصية تامر ضيائي