معلومات عن هالة عمر .. من هي الفتاة التي اتهمتها بسمة بوسيل بأنها سبب طلاقها من تامر حسني

ياسمين حمادة 24 مايو 2023 | 08:40 صباحاً

تصدر اسم هالة عمر منسقة أعمال تامر حسني وطليقته الفنانة بسمة بوسيل التريند بمؤشر البحث الأشهر جوجل، ومواقع التواصل الاجتماعي المختلفة خلال الساعات الماضية.

معلومات عن هالة عمر وعلاقتها بتامر حسني

يرصد موقع قناة صدى البلد معلومات عن هالة عمر وعلاقتها بتامر حسني بعد تساؤلات الجمهور عليها، بعد أن كشفت بسمة بوسيل أنها السبب في تخريب بيتها وطلاقها من الفنان تامر حسني.

هالة عمر هي أحدث عروس غنى لها تامر حسني.

حضر حفل زفافها عدد من نجوم الفن مثل هنا الزاهد ومصطفى قمر ورامي صبري وآخرين.

ظهر تامر حسني وهو يسلمها لعريسها في حفل الزفاف.

وتعمل ستايلست بجانب عملها منسقة أعمال تامر حسني.

كانت استايلست فيلم بحبك لـ تامر حسني وهنا الزاهد وأغنية فرحة لـ تامر حسني.

هالة عمر كانت من الفانز ومعجبات تامر حسني في بدايته الفنية.

كانت من المقاتلين والمدافعين عنه على الانترنت أثناء تعرضه لهجوم، وذلك بحسب تصريحاته.

هي من مواليد الإسكندرية وعندما تعرف عليها تامر حسني كانت في الـ 14 من عمرها.

معلومات عن هالة عمر وعلاقتها بتامر حسني

من هي هالة عمر الفتاة التي اتهمتها بسمة بوسيل أنها سبب طلاقها من تامر حسني

لفتت نظر تامر حسني بدفاعها عنه وحرص على شكرها وقابلته عندما سافر إلى الإسكندرية.

تولت مهام السوشيال ميديا في شركته بسن صغير.

توفى والدها ووالدتها العام الماضي.

يعتبرها تامر حسني ابنته الكبيرة لذلك سلمها إلى عريسها بجانب شقيقها.

من هي هالة عمر

أول لقاء بين هالة عمر مع تامر حسني

قال تامر حسني عن أول لقاء جمعه بـ هالة عمر منسقة أعماله حاليًا: «لما سافرت إسكندرية لقيت بنت صغيرة أوي بتعيط وبتجري عليّ فاوقفتلها و فكرتني بنفسها وفضلت تعيط وتقولي إحنا معاك ولازم تكمل عشان كنت بتحارب جدًا في بداياتي».

وتابع تامر حسني في منشور كتبه عبر حسابه الرسمي بموقع فيس بوك: «فا اتصدمت إن اللي بتقول كده بنت صغيرة كدة والمجهود ده كله اللي عاملاه بنت صغيرة عندها 14 سنة».

صلة القرابة وعلاقة تامر حسني بهالة عمر

كشف تامر حسني علاقته بهالة عمر، وكتب عبر حسابه الرسمي بموقع فيس بوك: «لكل اللي بيسأل عن إيه وجه القرابة بيني و بين العروسة الجميلة دي شايف اسئلة كتير أنا هحكيلكوا».

وتابع: «هي اسمها هاله عمر عرفتها كانت بنت من الفانز صغيره ومن المقاتلين والمدافعين عن تامر على الانترنت ومن كتر دفاعها عني لفتت نظري ومره رديت عليها شكرتها ولما سافرت اسكندريه في الوقت ده لقيت بنت صغيره أوي بتعيط وبتجري عليا فا وقفتلها وفكرتني بنفسها و فضلت تعيط».

واستكمل الفنان تامر حسني: «وتقولي إحنا معاك ولازم تكمل عشان كنت بتحارب جدًا في بداياتي فا اتصدمت إن اللي بتقول كده بنت صغيره كده والمجهود ده كله اللي عاملاه بنت صغيرة عندها 14 سنة.. وقتها كانت السوشيال ميديا لسه بتطلع وكنا في شركتنا بندور على شركه كبيرة تمسكلي السوشيال ميديا لحد ما قولتلهم أنا مش عايز شركة كبيرة أنا عايز البنت الصغيره دي».

علاقة تامر حسني بهالة عمر

حفل زفاف هالة عمر

وقال تامر حسني أيضًا عن هالة عمر : «هي اللي تمسكها فضلوا يقنعوني إن كده مش صح ولازم أكتر حد خبره يمسكها وأنا قولت لا لازم أكتر حد بيحبني هو اللي يمسكها وأنا واثق إن طاقة الحب مفعولها أقوى من طاقة المحترف بلا حب فعرضت عليها تشتغل معايا و هي في السن ده مصدقتش طبعًا و من ساعتها وهي اللي ماسكه كل شغل الميديا الطفلة الشاطرة اللي كبرت دلوقتي قدامكم هاله عمر».

واختتم تعليقه على حفل زفاف هالة عمر : «أما بقى عريسها العسل ده اسمه عمرو طلب إديها مني أنا عشان والدها ووالدتها توفاهم الله في سنة واحدة رحمهم الله ياريت نفتكرهم ونهديلهم ثواب الدعاء و الفاتحة، ومن اللحظه دي اتحولت هاله لبنتي الكبيرة بجد اللي بتتجوز دلوقتي قدامي وبسلمها لعريسها بنفسي وبغني في فرحها.. معرفتش أرد على كلامك عني في الفرح يا هالة رديت دلوقتي هنا ربنا يكرمك ويسعدك مع جوزك الجميل المحترم اللي هيكون ضهرك وسندك ويكمل معاكي مشوار حياتك مع أولادكم الجُمال بإذن الله».

سبب طلاق بسمة بوسيل وتامر حسني

تصدر سبب طلاق تامر حسني وبسمة بوسيل مؤشرات البحث ، وذلك بعد إعلانهما الطلاق بالاتفاق سويًا، وردد البعض أن جليلة المغربية هي السبب في وقوع الانفصال بشكل رسمي.

وضع الجمهور احتماليات أن تكون جليلة المغربية هي السبب في طلاق تامر حسني وبسمة بوسيل، حيث كانت لها تصريحات مؤخرًا تلفزيونية، قالت بها: 'قبل زواج تامر حسني من بسمة بوسيل بيوم كنت معه، لا أعرف كيف صار الموضوع'.

وتابعت: 'عشت معه قصة حب لمدة 11 سنة، ولا هو عيب ولا حرام، ليه عمالين يقولولي أني خرابة بيوت، وعلاقتي بيه متقطعتش بعد زواجه، وكان لازم أرد لما اتسبيت في شرفي والموضوع وصل لأهلي'.

وكتب تامر حسني عبر حسابه بموقع الصور والفيديوهات انستجرام: 'وجعلنا لبينكم مودة ورحمة دا كلام ربنا في الزواج والطلاق.

حرص الفنان تامر حسني أن يعلق على انفصاله عن زوجته بسمة بوسيل والده أبناءه، وذلك بعد انفصالهما منذ قليل بشكل رسمي.

كتب الفنان تامر حسني عبر حسابه بموقع إنستجرام: 'جعلنا بينكم مودة ورحمة بين الأزواج في كل حالاتهم سواء تزوجوا ولم يقدر الله الاستمرار فانفصلوا بالاتفاق الطيب'.

وتابع: 'ستظل بينا المودة والرحمة وأجمل أولاد، وسيظل بيننا الاحترام والتقدير، عشرة 12 عام مش هينة، ربنا يكتبلك ويكتبلي كل الخير يا بسوم، سأظل الأب والأخ والصديق والسند في حفظ الله'.

هالة عمر وتامر حسني