ملك أحمد زاهر بعد تعرضها لوعكة صحية: نفسيتي وحشة ومش عارفين سبب اللي عندي

أعلنت الفنانة ملك أحمد زاهر تعرضها لوعكة صحية مفاجئة، ونشرت صورة من داخل المستشفى.

كتبت ملك أحمد زاهر في تعليقها على الصورة، التي نشرتها عبر خاصية الستوري التابعة لحسابها الرسمي بموقع انستجرام: «طيب أنا عمري ما كنت بنزل غير الحاجات اللذيذة أو الهزار أو أي حاجة إيجابية من الآخر ولما كنت بحب أنزل حاجة سلبية كنت باخدها بهزار وبنزلها close friends وبهزر بيني وبين صحابي».

ملك أحمد زاهر تتعرض لوعكة صحية

وتابعت: «بس بجد حاسة إن الفترة الأخيرة بيجيلي كومنتس كلها مانتي عايشة ومبسوطة وإحنا مش عايشين وإيه كل اللي انتو فيه وحاسة إن في الناس بصة على اتفه الحاجات اللي ممكن تكون عندي أو بتبسطني زي مثلا إني أنزل أروح الجيم أو أخرج مع صحابي أو يكون شكلي حلو وأنا رايحة ايفينت معين».

واستكملت ملك أحمد زاهر: «حبيت بس أقولكم إن الحياة مش وردي أنا بقالي 3 أيام تعبانة شوية وعندي حاجة لحد دلوقتي مش فاهمين سببها وجت فجأة وفي حوالي نص ساعة قبلها كنت زي الفل ومن ساعتها مش عارفة أنزل أو حد يشوفني باللي أنا فيه ده ونفسيتي وحشة أوي».

تصريحات ملك أحمد زاهر

وكتبت أيضًا: «أنا يحكي الكلام ده عشان تعرفوا بس إن حياتي فيها الحلو والوحش والله زي أي حد بس أنا بحب دايمًا أشير الحلو بس وغالبًا ده غلط فقررت أشارككم كمان الوحش ومع إن اللي بيحصلي دلوقتي أنا بحمد ربنا عليه وعارفة إنه بإذن الله هيكون حاجة بسيطة وإن شاء الله هخف وكله هيكون تمام بس هو مخلي نفسيتي وحشة أوي.. حقيقي كل اللى طالباه انكم متحكموش على حد من السوشيال ميديا أو من ظهوره في أي حاجة لأنها بتوري بس يمكن 20% من حياته وادعولي أخف بسرعة شكرًا».

واختتمت ملك أحمد زاهر: «والهدف من الستوري دي مش أن أي حد يقلق لأن الحمدلله أنا كويسة وإن شاء الله اللي عنده ده له حل وأنا تمام مفيش حاجة مقلقة أنا بس حسيت إني محتاجة أشارك الوحش زي ما بشارك الحلو مش أكتر».