ملك أحمد زاهر توجه رسالة لشقيقتها : «هفضل دايما اتباهى بيكي»

نشرت الفنانة ملك أحمد زاهر رسالة خاصة لشقيقتها ليلي أحمد زاهر بعد نجاحها الأخير خلال أعمالها الدرامية الفنية الأخيرة .

وعلقت «ملك» على الصورة قائلة، « كنت معاكي لحظة بلحظة وأنتي بتشتغلي وتتعبي علي نفسك و بتصوري مسلسلين فنفس الوقت والاتنين ميقلوش عن بعد فالتعب والمجهود، كنت شايفة بعيني قد ايه بتتعبي و مش بتنامي و بتجتهدي و بتعملي كل اللي تقدري عليه عشان تطلعي كل واحد فيهم احسن حاجة».

وأضافت، «فعلا تعبك مرحش عالفاضي يالولو عملتي أحلي مسلسل فالدنيا (في بيتنا روبوت) اللي مكانش في الذ ولا احلي منه فالدنيا و شفناكي وأنتي (سارة) اللي مشاريعها فاشلة و تافها و ملهاش فحاجة غير السوشيال ميديا تقريبا و خليتينا نصدق كل تفصيلة و نضحك علي كل إفيه و حقيقي كان احلي مسلسل فالدنيا عملتيه و طلع حلو اوي كده عشان كمان معاكي هشام وشوشو وعمرو اللي فضلوا دايما فضهرك».

وتابعت حديثها عن دورها في مسلسل «وادي الجن» قائلة، «عملتيلنا أكتر مسلسل مشوق فالدنيا (وادي الجن) و شفناكي و انتي (ليال) الذكية الشاطرة اللي قادرة تحل كل المشاكل بذكاء و دايما مركزة .. ولا مرة حسيت أن في شبه بين سارة و ليال حقيقي بنتين مختلفين تماما مع أنك كنتي بتصوري الاثنين سوا و دي شطارتك انتي و مجهودك و تعبك .. بجد من كل قلبي فخورة بيكي و بحبك و هفضل دايما اتباهى بيكي و اقول اختي ممثلة شاطرة قوي ».

7 معلومات عن ملك أحمد زاهر .. «موهبة شابة في طريقها للنجومية»

أحمد زاهر يبكي بسبب مشهد ابنته ملك بمسلسل «لؤلؤ» .. صورة

أحمد زاهر يكشف لـ«صدي البلد» حقيقة قيادة ابنته ليلى سيارة دون رخصة