منال عبد اللطيف بعد ابتعادها عن الفن: بفكر أقلع الحجاب

تحدثت الفنانة المعتزلة منال عبداللطيف ، عن السبب الذي جعلها تبتعد عن الفن، وجعلها ترتدي الحجاب وتفكر مجددًا في خلعه.

منال عبد اللطيف تتحدث عن الحجاب

قالت منال عبداللطيف في تصريحات تلفزيونية: 'بفكر أني أقلع الحجاب، ليه الفكرة بتراودني لأن أوقات بتوحشني منال المنطلقة'.

وتابعت: 'أنا بطبيعتي منطلقة وأوقات بتوحشني منال وابقى عايزة انطلق في كل حاجة وأن مفيش حاجة تقيدني لكن سريعًا بقول لأ أنتي تدعي ربنا انه يثبتك لأن دي خطوة مش هينة على طول برجع لدماغي فورًا لكن بتراودني الفكرة طبعًا بتراودني'.

تصريحات منال عبد اللطيف

واستكملت منال عبد اللطيف حديثها، وقالت: 'كل ما بتيجي الفكرة على بالي وأول يا منال اقلعي بقى الحجاب وبعدين أقول لنفسي انتي اخدتي الخطوة وقعدتي السنين دي'.

وأضافت: 'الفكرة اللي بتلح عليا أن إن شاء الله لما بنتي الكبيرة فرح تتجوز بفكر أني في الفرح أقلع الحجاب مش عارفة ليه بس الفكرة دي بتزن عليا ومش ضروري ألبس فستان مفتوح أهم حاجة أني أكون منطلقة لأن دايمًا الطرحة بتضايقني وأقعد طول الوقت أظبطها، وبقالي 11 سنة محجبة'.

واختتمت منال عبد اللطيف كلامها: 'أنا بحترم رأي الناس لكن في مناطق شخصية بتاعتي مش بتاعتكم محبش حد يتدخل فيها، ورأي الناس يحترم لكن انا اللي على قناعتي هعمله وطالما مابيضرش حد يبقى محدش له دعوة بيا، وحتى السوشيال ميديا مبخافش منها، وانا مابيشغلنيش غير دائرتي الأولى جوزي ووالدي وبناتي وصديقاتي المقربات غير كده اللي برا دايرتي براحته'.