منة فضالي تكشف تفاصيل وفاة رضيع حاولت تبنيه: « كان نفسي يبقى عندي طفل»

تحدثت الفنانة منة فضالي عن نيتها لتبني طفل، بعدما وجدت رضيع تخلت عنه والدته خلال الأيام الماضية .

وكشفت منة فضالي عن الأمر قائلة، «الولد ده اتولد من ٥ ايام امه خلفتوه في مستشفي في الفيوم وقالتلهم انا مش عاوزاه ارمو في الشارع الممرضة صعب عليها خدتو تربيه جوزها قالها تبقي طالق مني لو الولد ده فضل في البيت راحت مرجعاه المستشفي تاني».

وأضافت، « واحدة تانية بتشتغل معايا في البيت أختها أخدتو تربيه، سافرت الفيوم واخذت الولد، ودتو لدكتور طلع عندة الصفرة بتقولي النهاردة قولتلها هاتيه انا حتبناه لاني نفسي يبقي عندي طفل».

وتابعت منى فضالي حديثها عن الطفل التي كانت ستتبناه قائلة، « من شوية بتكلم أختها قالتلها الولد مات بعد ما ابتديت اخد اجرات التبني مش قادره اوصفلكم حالتي حقيقي ولا اوصف كرهي للست اللي خلفت حتة لحمة ورمتها وراحت تشوف نفسها».

منة فضالي تتحدث عن سيدة تخلت عن رضيعها

ووصفت فضالي تلك السيدة بعدم الاحساس بالمسؤولية قائلة، «جالها قلب ازاي ترمي ضناها مهما كانت ظروفها ابنها ضناها ازاي في امهات ب القذاره دي بس يعلم ربنا اني كنت حخليه احسن حد في الدنيا مش الام اللي بتخلف الام اللي بتربي».

منة فضالي توجه رسالة إلي جمهورها

واستطردت، «أنا بكتب البوست ده لأني فعلا موجوعة من قلبي وكنت فرحانه اني حاخد الولد بس ربنا مش رايد، ربنا يرحمك برحمته وحسبي الله ونعمه الوكيل في الست دي ربنا ينتقم منها اشد انتقام د احنا الحيوان بيصعب علينا ما بلكم طفل ملوش اي ذنب غير ان واحده معندهاش قلب ولا ضمير ترمي ابنها».

منة فضالي تستغيث: «هددوني يا نقيب المهن التمثيلية».

منة فضالي تعلن تعافيها من فيروس كورونا : «خلو بالكم مرض وتعب صعب»